QR Memlekettik hatshysy: Qazaqstandyqtardyń 95 paıyzy ózderin birtutas halyqtyń ókili sanaıdy
«QR Mádenıet jáne sport mınıstrliginiń qoldaýymen Assambleıanyń ǵylymı-saraptamalyq keńesi ótkizgen áleýmettik zerteýler málimetterine sáıkes saýalnamaǵa qatysqandardyń 95 paıyzy ózderin birtutas halyqtyń ókili, 94,2 paıyzy Qazaqstannyń azamaty sanaıtyndyǵyn bildirgen», - dedi Memlekettik hatshy.
Sonymen qatar onyń atap ótýinshe, saýalnamaǵa qatysqan azamattardyń 73,3 paıyzy Qazaqstanda dostyq pen yntymaqtastyqtyń myǵym qarym-qatynasy qalyptasqanyna senimdi. Al 80 paıyzy respýblıkadaǵy barlyq etnostar teń dep sanaıtyndyǵyn bildirgen.
«85,3 paıyzy eldi qaýipsiz ári turaqty dep sanaıdy. 84,3 paıyzy áleýmettik-ekonomıkalyq teń jaǵdaı jasalǵanyn atap ótken. Al 82,7 paıyzy etnostardyń dástúri, tili men mádenıetin damytýǵa barlyq jaǵdaı jasalǵanyn aıtqan», - dedi G.Ábdiqalyqova.
