QR Memlekettik hatshysy Erlan Qarın Frantsııa senatorlarymen kezdesti

NUR-SULTAN. QazAqparat – QR Memlekettik hatshysy Erlan Qarın «Frantsııa – Ortalyq Azııa» parlamenttik dostyq tobynyń tóraǵasy Erve More bastaǵan Frantsııa Senatynyń delegatsııasymen kezdesti, dep habarlaıdy Aqordanyń baspasóz qyzmeti.

Kezdesý barysynda taraptar Qazaqstan men Frantsııa arasyndaǵy yntymaqtastyqtyń qazirgi ahýalyn jáne strategııalyq áriptestiktiń damý perspektıvalaryn, onyń ishinde parlamentaralyq deńgeıdegi qarym-qatynasty oń baǵalady.

Erlan Qarın frantsýz senatorlaryna 5 maýsym kúni referendýmǵa shyǵarylyp otyrǵan konstıtýtsııalyq reformalardyń máni men mańyzy týraly aıtty.

Frantsııalyq delegatsııanyń jetekshisi E.More Qazaqstanda iske asyrylyp jatqan saıası jańǵyrtý baǵdarlamasynyń aýqymy keń ekenin atap ótti.

Kezdesýde taraptar halyqaralyq jáne óńirlik deńgeıdegi birqatar másele boıynsha pikir almasty.