«QR Memlekettik baqylaý jáne qadaǵalaý týraly» Zańyna ózgertýler engiziledi
ASTANA. 20 qańtar. QazAqparat - «Qazaqstan Respýblıkasyndaǵy Memlekettik baqylaý jáne qadaǵalaý týraly» Zańǵa ózgertýler engiziledi. Bul týraly búgin Qazaqstannyń Ortalyq kommýnıkatsııalar qyzmetinde ótken brıfıngte QR Óńirlik damý mınıstri Bolat Jámishev málim etti.
Mınıstrdiń atap ótýinshe, Tótenshe jaǵdaılar men Densaýlyq saqtaý mınıstrligi organdarynyń ótken jyly júrgizgen tekserýlerin taldaý olardyń barlyǵynda da baqylaý-qadaǵalaý qyzmetine tán júıelik buzýshylyqtar anyqtalǵan.
«Osyǵan baılanysty «Qazaqstan Respýblıkasyndaǵy memlekettik baqylaý jáne qadaǵalaý týraly» Zańǵa táýekel dárejesi joǵary sýbektilerdi josparly tekserýlermen tolyq qamtý, qaldyq qaǵıdaty boıynsha táýekel dárejesi ortasha sýbektilerdi josparlaý, táýekel dárejesi tómen sýbektilerge qatysty josparly tekserýlerden bas tartý, talaptardy tekserý paraǵyna engizgen kezde eń az jetkiziliktilik qaǵıdatyn iske asyrý qajettiligi bóliginde ózgerister engizý usynylyp otyr», - dedi ol.
B.Jámishevtiń sózine qaraǵanda, memlekettik organdardyń baqylaý jáne qadaǵalaý qyzmetin jetildirýdiń kelesi baǵyty Táýekelderdi basqarý júıesin avtomattandyrý bolmaq.
