QR Mashına jasaýshylar odaǵy Elbasynyń merziminen buryn parlamenttik saılaý ótkizý týraly sheshimin qoldaıdy
ASTANA. QazAqparat - Qazaqstan Mashına jasaýshylar odaǵy Memleket basshysynyń merziminen buryn parlamenttik saılaý ótkizý týraly sheshimin qoldaıdy. Búgin Ortalyq kommýnıkatsııalar qyzmetindegi baspasóz máslıhatynda Qazaqstan Mashına jasaýshylar odaǵy basqarma tóraǵasy Meıram Pishembaev osylaı málim etti.
«Qazaqstan Mashına jasaýshylar odaǵy Memleket basshysynyń merziminen buryn parlamenttik saılaý ótkizý týraly sheshimin qoldaıdy. Ózimizdiń qatarda elimizdiń iri mashına jasaý kásiporyndary men aýqymdy eńbek resýrstaryn biriktire otyryp, biz «5 ınstıtýttyq reformany júzege asyrý boıynsha 100 naqty qadam» - Ult josparynda qarastyrylǵan sharalar keshenine tolyqtaı qoldaý bildiremiz. Bizdiń oıymyzsha, besinshi shaqyrylymdaǵy Májilis óziniń eń basty maqsatyn oryndady, ıaǵnı daǵdarysqa qarsy baǵdarlamany engizý úshin jáne qoǵam ómirin jaqsartýdaǵy aýqymdy reformalar júrgizýde zańnamalyq bazany qurdy»,-dep toqtaldy M. Pishembaev.
Onyń pikirinshe, merziminen buryn ótkiziletin saılaý reformalardy júzege asyrýdyń eń bastapqy kezeńinde saıası partııalardyń senimge ıe bolýy úshin, sondaı-aq daǵdarysqa qarsy sharalardy engizý boıynsha ózderiniń tıimdi is-qımyldaryn kórsetý turǵysynda múmkindik bolyp otyr.
