QR MAM etnojýrnalıstıka salasyndaǵy «Shańyraq» respýblıkalyq shyǵarmashylyq baıqaýyn jarııalady

ASTANA. 16 shilde. QazAqparat - QR Mádenıet jáne aqparat mınıstrligi etnojýrnalıstıka salasyndaǵy «Shańyraq» respýblıkalyq shyǵarmashylyq baıqaýyn jarııalady, dep habarlady vedomstvonyń baspasóz qyzmetinen.

Qazaqstan halqy Assambleıasynyń qoldaýymen uıymdastyrylatyn respýblıkalyq deńgeıdegi baıqaýdyń úılestirýshisi ári uıymdastyrýshysy Qazaqstan Respýblıkasynyń Mádenıet jáne aqparat mınıstrligi bolyp tabylady.

Konkýrs qoǵamdaǵy etnosaralyq kelisimdi jáne Qazaqstan halqynyń birligin nyǵaıtý, etnosaralyq qatynastar men mádenıetaralyq úndesý salasyndaǵy memlekettik saıasat jetistikterin jaryqqa shyǵarý, qazaq halqy men Qazaqstanda ómir súretin etnostardyń mádenıetin, salt-dástúrlerin  nasıhattaý, memlekettik tildiń qoldaný aıasyn keńeıtý, qazaqstandyq etnojýrnalıstıkany damytýǵa yqpal etý, etnosaralyq kelisim taqyrybyn jarııalaýdaǵy qazaqstandyq buqaralyq aqparat quraldarynyń rólin arttyrý maqsatynda ótkiziledi.

Oǵan qazaqstandyq buqaralyq aqparat quraldarynyń tilshileri,  etnomádenı birlestikterdiń, úkimettik emes uıymdardyń ókilderi, ǵylym jáne mádenıet qaıratkerleri, sarapshylar jáne jekelegen avtorlar qatysa alady. Baıqaýǵa qatysý úshin memlekettik jáne orys tilderinde jarııalanǵan baspa buqaralyq aqparat quraldary men Internet resýrstaryndaǵy maqalalar, tele-radıo habarlary men baǵdarlamalar qabyldanady.

Konkýrsqa 2012 jylǵy 1 qańtardan bastap 25 qarashaǵa deıin buqaralyq aqparat quraldarynda ornalastyrylǵan maqalalar, tele-radıo habarlar jáne baǵdarlamalar qabyldanady. Jeńimpazdar Qazaqstan halqy Assambleıasy, Qazaqstan Respýblıkasy Mádenıet jáne aqparat mınıstrligi tarapynan syılyqtarmen jáne qurmet gramotalarymen marapattalady.