QR Mádenıet jáne sport vıtse-mınıstri Inchhon Olımpıada qalashyǵynda boldy
«Ózderińiz biletindeı, QR Úkimetiniń qaýlysy boıynsha sizderge aqshalaı syılar tartý kózdelgen. Sonymen qatar sport túrleri boıynsha federatsııalar jáne jergilikti oblystyq ákimdikter de sizderdi taǵatsyzdana kútýde. Bir sózben aıtqanda, ózderińizdiń jetistikterińizdiń arqasynda sizder mundaı madaqtarǵa laıyqsyzdar», - dedi vıtse-mınıstr.
Vedomstvonyń habarlaýynsha, kezdesý Qazaqstan ulttyq quramasy turyp jatqan «Atletık Vılledj» olımpıalyq qalashyǵynda ótti. Vıtse-mınıstr atletterdi ótip jatqan Azıadadaǵy tabystarymen quttyqtap, olarǵa estelik syılyqtar tartty.
Kezdesýdi qorytyndylaı kele vıtse-mınıstr Azıadanyń nátıjeleri boıynsha olardyń aldyna jalpykomandalyq esepte tórtinshi oryn alý maqsaty qoıylǵandyǵyn eskertip, ótip jatqan dodaly saıysta ónerlerin jeńispen aıaqtaýlaryn tiledi.
