QR Mádenıet jáne sport vıtse-mınıstri A.Muhamedıulynyń pikiri jańylys qabyldanýyna qatysty túsinik berdi
«Bıyl 23 mamyrda «Qazaqstan» OKZ-da QR Mádenıet jáne sport mınıstri Arystanbek Muhamedıulynyń 2015 jylǵy mınıstrlik qyzmetiniń nátıjeleri boıynsha halyqpen esepti kezdesýi ótti.
Kezdesý barysynda mınıstr mınıstrlik qyzmetine qatysty, atap aıtqanda, súıikti jazýshysy Shyńǵys Aıtmatovtyń tvorchestvosyna qatysty birqatar suraqtarǵa jaýap berdi.
Birqatar BAQ mınıstrge silteme jasaı otyryp, onyń sóziniń tek eki tusyn ǵana qysqartyp bergen.
Alaıda mınıstrdiń sózi basqasha qabyldanyp, BAQ-ta túrli pikirlerdiń týyndaýyna alyp keldi. Shyndyǵynda mınıstr Shyńǵys Aıtmatovtyń fılosofııasyn mysalǵa ala otyryp, baýyrlas halyqtarymyzdyń tarıhy, dini, dástúri, mádenıetiniń ortaqtyǵy bir-birimizden úırenerimizdiń bar ekenin kórsetetinin aıtyp ótti.
«Biz Tolomýsh Okeev, Sýımenkýl Chokmorov sııaqty daryndardy dúnıege ákelgen jarqyn da keleli tarıhy, mádenıeti bar qyrǵyz halqynyń bolashaǵynyń kemel bolaryna, ekonomıkalyq jetistikterge jeterine senemiz.
Biz, qazaqstandyqtar men qyrǵyzstandyqtar, oıshyldarymyzdyń aıtqanyn jadymyzda ustap, evolıýtsııalyq damý jolynda birge alǵa jyljýymyz qajet.
Mınıstr Arystanbek Muhamedıuly qyrǵyz halqyna erekshe qurmetpen qaraıtynyn, onyń eshkimdi renjitýge nıeti joq ekenin taǵy bir márte málimdeımiz.
Mınıstr aıtylǵan sóziniń durys qabyldanbaǵany úshin shyn júrekten keshirim suraıdy», - delingen vıtse-mınıstrdiń hatynda.
