QR Mádenıet jáne sport mınıstrligi men Qaraǵandy oblysynyń ákimdigi dinı salada turaqtylyqty qamtamasyz etý jónindegi yntymaqtastyq týraly memorandýmǵa qol qoıdy (FOTO)
ASTANA. QazAqparat - QR Mádenıet jáne sport mınıstri men Qaraǵandy oblysynyń ákimdigi memlekettik-konfessııalyq qatynastardy retteý salasyndaǵy ózara is-qımyl týraly memorandýmǵa qol qoıdy.
Memorandým dinı salada turaqtylyqty qamtamasyz etý jáne eldi ńdamýyndaǵy zaıyrly ustanymdardy ilgeri jyljytý boıynsha ortalyq jáne jergilikti atqarýshy organdardyń kúsh-jigerin biriktirýge baǵyttalǵan. Onda oblys ákimdigine ádistemelik kómek kórsetý, radıkaldyq dinı aǵymdardy ustanýshylar arasynda maqsatty aldyn alý jáne saýyqtyrý jumystaryn júrgizý jáne QR Úkimeti men ákimdikter janyndaǵy dinı birlestiktermen baılanys keńesteri jumysynyń tıimdigin arttyrýǵa basa kóńil bólingen.
Qujatqa QR Mádenıet jáne sport mınıstri Arystanbek Muhamedıuly jáne Qaraǵandy oblysynyń ákimi Nurmuhambet Ábdibekov qol qoıdy.
Mádenıet jáne sport mınıstrliginen habarlaǵandaı, mundaı memorandýmdarǵa barlyq oblystar jáne Astana men Almaty qalalary ákimdikterimen qol qoıylady.
