QR Mádenıet jáne sport mınıstrligi mektep oqýshylarynyń dinı kıim kııýine qarsy
ASTANA. QazAqparat - QR Mádenıet jáne sport mınıstrligi mektep oqýshylarynyń dinı kıim kııýine qarsy. Bul týraly búgin QR Prezıdenti janyndaǵy Adam quqyǵy jónindegi komıssııanyń keńeıtilgen otyrysynda QR Mádenıet jáne sport vıtse-mınıstri Marat Ázilhanov aıtty.
«Qalaı bolǵanda da, biz mektepterge oqýshylardyń dinı atrıbýtıkalarmen júrýine jol bermeýin keńes etemiz. Óıtkeni, mektepterde barlyǵy da teń bolýy tıis jáne balalardy paıdalana otyryp, qandaı da bir ýaǵyz júrgizilmeýi qajet. Qandaı da bir qatań ne bolmasa basqa da sharalardy qoldanbastan biz bul normany túsindirýdemiz ári osy baǵytta jumystar júrgizýdemiz», - dedi vıtse-mınıstr.
Onyń atap ótýinshe, jyl saıyn 1 qyrkúıekte qyzdardyń mektepke hıdjap kıip kelý derekteri kezdesip otyrady.
«Biz bul máseleni saıasılandyrǵaly, onyń tóńireginde shý týdyrǵaly otyrǵan joqpyz. Bul óte kinámshil sala. Sondyqtan da múftııatpen birlesip túsindirý jumystaryn júrgizýdemiz. Biz Bilim týraly zańnyń bar ekendigine basa nazar aýdartamyz jáne bizdiń bilim berý salamyz zaıyrly sıpatqa ıe», - dedi M.Ázilhanov.
