QR Mádenıet jáne sport mınıstri qazaqstandyq ziltemirshiler aınalasyndaǵy daý-damaıǵa qatysty túsinik berdi
«Biz qazir mınıstrlik janynan Qazaqstannyń aýyr atletıka federatsııasymen birlese otyryp komıssııa qurdyq. Sebebi, bul oqıǵa barshamyzdy alańdatyp otyr. Alaıda, bul aldyn ala dıagnoz, ıaǵnı sońǵy sheshim emes. Árıne, biz qazirgi kezde apellıatsııaǵa berýdemiz. Árbir sportshy dári-dármekke qosymsha testileýden ótetini belgili»,-dep toqtaldy mınıstr.
Osy oraıda vedomstvo basshysy eger de sportshylardyń dopıngti qabyldaý faktisi dáleldense, onda atletterdi dári-dármekterdi qabyldaýǵa tartqan aǵa bapkerler jazalanatynyn qadap aıtty.
«Óıtkeni, bundaıǵa múldem jol berilmeýi kerek. Biz sporttyń taza bolǵanyna, joǵary nátıjeler sportyna basymdyq berip otyrmyz»,-dedi A. Muhamedıuly.
Sonymen qatar mınıstr búginde aýyr atletıkada árbir salmaq dárejesinde birneshe talantty jastar bar ekenin atap ótti. «Biz úshin sporttyq derjava retinde Qazaqstan namysyn saqtaý óte mańyzdy»,-dedi ol.
Budan bólek, vedomstvo basshysy dopıngti paıdalanýda kúdikke ilingen sportshylardyń aldyn ala tiziminde 17 adam bar ekenin, onyń ishinde úsheýi qazaqstandyqtar ekenin jetkizdi.
«Bul birinshi tizim, sonymen qatar qosymsha tizimder bolatyndyǵy aıtyldy. Bular dárilik preparattardy paıdalandy dep kúdikke ilingender. Qalaı bolǵanda da biz barlyǵyn tyńǵylyqty taldaýdan ótkizýimiz kerek. Alda Rıo de Janeırodaǵy Olımpıada oıyndary bar. Qazaqstan bul álemdik dodaǵa deıingi iri básekelerde jaqsy jetistiktermen kórinýde. Sondyqtan biz bul áleýetimizdi joǵaltpaı, ony eseleı túsýimiz shart»,-dep túıdi mınıstr.
Budan buryn habarlanǵandaı, QR Aýyr atletıka federatsııasy A. Óteshov pen J. Qydyrbaevtan dopıng anyqtalýy faktisine qatysty málimdeme jasady. 2015 jyldyń 24 jeltoqsanynda Halyqaralyq aýyr atletıka federatsııasynyń (IWF) dopıng-qadaǵalaý boıynsha zerthanalyq taldaýlar nátıjesi negizinde qazaqstandyq sportshylar - Almas Óteshevti, Jasulan Qydyrbaevty jáne Ermek Ómirtaıdy ýaqytsha sporttan shettetý sheshimin shyǵardy. ıAǵnı olar dopıngke qarsy erejeni buzýy múmkindigine baılanysty halyqaralyq jarystarǵa ýaqytsha jiberilmeıtin bolady.
2015 jyly Hıýstonda Álem chempıonatynan keıin sportshylardan alynǵan dopıng-qadaǵalaýdyń «A» synamalarynda tyıym salynǵan anabolıtıkalyq androgendik steroıd anyqtaldy.
«Atalǵan faktige baılanysty tıisti vedomstvolar men qazaqstandyq federatsııanyń ishki tekserý sharalaryn júrgizýi josparlanyp otyr»,-dep atap ótilgen federatsııa málimdemesinde.
Onyń nátıjesi boıynsha «B» synamasyn ashýǵa suraý jiberý múmkindigi týraly jáne apellıatsııaǵa berý sheshimi qabyldanady.
Sonymen qabar IWF tekserýi de jalǵasady. Onyń qorytyndysy Halyqaralyq aýyr atletıka federatsııasy men QR Aýyr atletıka federatsııasynyń saıttarynda habarlanady.
