QR Mádenıet jáne sport mınıstri Baýyrjan Jaýyntaevty Olımpıada oıyndaryndaǵy jeńisimen quttyqtady
Bul týraly QR Mádenıet jáne sport mınıstrliginiń resmı saıtynda habarlanǵan. Quttyqtaý jedelhatynda: «Qymbatty Baýyrjan! Seni jasóspirimder arasyndaǵy II Olımpıada oıyndaryndaǵy jeńisińmen shyn júrekten quttyqtaımyn! Sen jasóspirimder arasyndaǵy II Olımpıada oıyndarynda bizdiń qurama komandaǵa alǵashqy altyn medaldy ákeldiń. Bul jetistik elimizdiń mıllıondaǵan azamattary men bizdiń jastar komandasyna sengen, úmit artqan jandar úshin qýanyshty oqıǵa boldy. Shıelenisken tartysty básekege qaramastan, sen naǵyz sportshyǵa tán qaısarlyq pen sheberlik tanyta bildiń. Egemen elimiz úshin, táýelsiz Qazaqstannyń jas urpaǵy úshin boıymyzdy sheksiz maqtanysh sezimi kerneıdi. Bul Nankındegi qazaqstandyq sportshylardyń jarqyn jeńisteriniń bastaýy dep bilemin. Bizdiń sportshylarymyzdyń shyǵar bıigi áli alda, olar Olımpıada estafetasyn sátti aıaqtaıdy dep senemin. Bizdiń jattyqtyrýshylardy da sporttaǵy úlken jetistikterimen quttyqtaımyn. Qazaqstandaǵy jastar sportyn damytýǵa qosqan eńbekterińizdi joǵary baǵalaımyz», - delingen.
