QR Mádenıet jáne sport mınıstri aýyr atlet A. Zaıchıkovty Hıýstondaǵy Álem chempıonatyndaǵy tańǵalarlyq jeńisimen quttyqtady
QR Mádenıet jáne sport mınıstri Arystanbek Muhamedıuly jańa chempıondy jeńisimen quttyqtap, aldaǵy jazǵy Olımpıadada sáttilik tiledi, dep habarlady vedomstvonyń baspasóz qyzmeti.
«Qazaq eliniń tól sportyna aınalǵan aýyr atletıkadan Álem chempıonatyndaǵy jeńisińizben shyn júrekten quttyqtaımyn! Siz sekildi júrekti, bilekti azamattarymyz barda Qazaqstannyń ánurany barsha adamzattyń aldynda áli de bolsa san ret shyrqalyp, týy kókke kóteriletinine senimdimin. Qazaq halqynyń dara uly Ilıa bastaǵan komanda árqashan tek jeńis tuǵyrynan kórinedi degen oıdamyn. Senderge zor densaýlyq, otbasylaryńa amandyq, jańa jeńister tileı otyryp, búgingi jetistigińiz 2016 jyly Rıo-de-Janeıro qalasynda ótetin Olımpıada oıyndarynda jalǵasyn tapsyn degim keledi!», - delingen mınıstrdiń quttyqtaýynda.
Eske salyp ketsek, Hıýston qalasynda (AQSh) ótip jatqan Álem chempıonatynda barshaǵa asa tanymal emes qazaqstandyq aýyr atletshi Aleksandr Zaıchıkov jeńedi dep halyqaralyq sarapshylar men sport sholýshylary kútpegen edi. Aleksandr - Qyzylorda aýyr atletıka mektebiniń túlegi, 105 kg deıingi salmaq sanatynda óner kórsetedi.
