QR Mádenıet jáne aqparat mınıstrligi budan bylaı jýrnalıstik uıymdardy tikeleı qarjylandyra alatyn bolady - Bolat Kalıanbekov

ASTANA. 12 qarasha. QazAqparat -  QR Mádenıet jáne aqparat mınıstrliginiń Aqparat jáne muraǵat komıteti budan bylaı jýrnalıstik uıymdardy tikeleı qarjylandyra alatyn bolady. Mundaı uıymdardyń biri - «Bas redaktorlar klýby» qoǵamdyq birlestigi. Biz osy uıymdy qarjylandyrýdy 2013 jyldan bastaımyz degen úmittemiz.

Bul týraly búgin Bas redaktorlar klýbynyń 5 jyldyq saltanatty jınalysynda QR Mádenıet jáne aqparat mınıstrliginiń Aqparat jáne muraǵat komıtetiniń tóraǵasy Bolat Kalıanbekov málimdedi.

«Bıyl QR zańnamalarynda ÚEU-ǵa qatysty máseleler boıynsha biraz ózgerister boldy. Osy ózgerister boıynsha salalyq qurylymdar óz salasyn damytý úshin tikeleı jumys jasaıtyn ÚEU-dy qarjylandyratyn bolady», - dedi B. Kalıanbekov.

«Ótken 5 jyl ishinde klýb óziniń ómirsheńdigin dáleldedi. Munda jumystyń jańa úlgisi qalyptasyp, ózindik dástúrler paıda boldy», - dep atap ótti ol.

Sondaı-aq, B. Kalıanbekov Klýbqa jańa jetistikter men bıik belester tileı kele, «Ómirdiń ózi kórsetkendeı, bizge osyndaı alańdar kerek. Qyzmettiń jańa formattaryn tabý kerek. Óıtkeni aqparat aıdyny sát saıyn ózgerip otyratyn sala», - dep qosyp ótti.