QR Mádenıet jáne aqparat mınıstri zańnamaǵa onomastıka máseleleri boıynsha túzetýler usyndy
ASTANA. 22 mamyr. QazAqparat - Búgin QR Mádenıet jáne aqparat mınıstri Darhan Myńbaı QR Parlamenti Májilisine «Qazaqstan Respýblıkasynyń onomastıka máseleleri boıynsha keıbir zańnamalyq aktilerine ózgerister men tolyqtyrýlar engizý týraly» Zań
jobasyn usyndy, dep habarlaıdy palatanyń baspasóz qyzmetinen.
Tusaýkeser Parlament depýtaty Aldan Smaıyldyń basqarýyndaǵy jumys tobynyń otyrysy aıasynda ótti.
Otyrysta atap ótilgendeı, sońǵy bes jylda respýblıkada Prezıdent tapsyrmasy boıynsha onomastıkalyq jumystardy ótkizýdiń ýaqytsha moratorııi jumys isteýde. Oǵan qaramastan, 2008-2010 jyldary respýblıkanyń 7 aýdanynyń, 195 eldi mekeniniń jáne 38 aýyldyq okrýginiń ataýlary ózgerdi.
Ázirleýshilerdiń pikirinshe, onomastıkalyq jumystardy júrgizý kezindegi quqyqtyq olqylyqtardy joıý, aıqyndyq jáne yntymaqty jaýapkershilik prıntsıpterin engizýdiń qajettiligi týyndady. Zań jobasy «Qazaqstan Respýblıkasynyń ákimshilik-aýmaqtyq qurylysy týraly» jáne «Qazaqstan Respýblıkasynyń tilderi týraly» zańdaryna túzetýler engizýdi qarastyrady.
