QR Mádenıet jáne aqparat mınıstri «Fılm ındeksin anyqtaýdyń krıterıılerin bekitý týraly» buıryǵyna qol qoıdy

Fılm ındeksin anyqtaýdyń krıterıılerin bekitý týraly

Qazaqstan Respýblıkasy Mádenıet jáne aqparat mınıstrliginiń buıryǵy №7

2012 jylǵy 12 naýryz,  Astana qalasy

«Mádenıet týraly» Qazaqstan Respýblıkasynyń 2006 jylǵy 15 jeltoqsandaǵy Zańynyń 7-baby 35-tarmaǵyn júzege asyrý maqsatynda buıyramyn:
1. Qosa berilip otyrǵan Fılm ındeksin anyqtaýdyń krıterııleri bekitilsin.
2. Qazaqstan Respýblıkasy Mádenıet jáne aqparat mınıstrliginiń Mádenıet komıteti:
1) osy buıryqtyń Qazaqstan Respýblıkasy Ádilet mınıstrliginde memlekettik tirkeýden ótýin qamtamasyz etsin;
2) osy buıryqtyń memlekettik tirkeýden ótkennen keıin onyń resmı jarııalanýyn qamtamasyz etsin.
3. Osy buıryqtyń oryndalýyn baqylaýdy Qazaqstan Respýblıkasynyń Mádenıet jáne aqparat vıtse-mınıstri A. Bóribaevqa júktelsin.
4. Osy buıryq alǵash ret resmı jarııalanǵan kúninen bastap on kúntizbelik kún ótken soń qoldanysqa engiziledi.

                                                       Qazaqstan Respýblıkasy  Mádenıet jáne aqparat mınıstri D.MYŃBAI.

Qazaqstan Respýblıkasy Mádenıet jáne aqparat mınıstriniń
2012 jylǵy 12 naýryzdaǵy  №7 buıryǵymen bekitilgen

Fılm ındeksin belgileý krıterııleri
1. Osy Fılm ındeksin belgileý krıterııleri (budan ári - Krıterıı) «Mádenıet týraly» Qazaqstan Respýblıkasynyń 2006 jylǵy 15 jeltoqsandaǵy Zańynyń (budan ári -Zań) 7-baby 35) tarmaqshasyna sáıkes ázirlendi jáne Qazaqstan Respýblıkasynyń aýmaǵynda shyǵarylǵan, sondaı-aq Qazaqstan Respýblıkasynyń aýmaǵyna prokattaý jáne kópshilikke kórsetý (demonstratsııalaý) úshin ákelingen (jetkizilgen) fılmderdi kórermenderdiń jas shegine qaraı toptastyrý maqsatynda fılmderdiń mazmunyna talaptar belgileıdi.
2. Fılmderdi toptastyrý balalar men jasóspirimderdiń densaýlyǵyna, sezimi men rýhanı damýyna zııan keltiretin dybysty-beıneli shyǵarmalardan olardy qorǵaý úshin, sonymen qatar eresek aýdıtorııaǵa fılmdi kórýde tańdaý erkindigin usyný úshin arnalǵan.
3. Kórermenderdiń jas shegine qaraı fılmderdiń kelesi ındeksteri belgilenedi:
1) «K» - ártúrli jastaǵy kórermenderge arnalǵan fılmder;
fılmder jalańash kórinisterimen, zorlyq-zombylyq pen qatygezdik, seksýaldyq kórinisterimen, esirtki quraldary men psıhotropty zattardy qabyldaý kórinisterimen, qaıǵyly oqıǵalar, apattar, ózine ózi qol jumsaý, óltirý, aýyr syrqattar, ishimdikke jáne esirtkige táýeldilik, neke buzý, násilshildik, dinı máseleleri, áleýmettik jat minez-qulyq kórinisterimen mazmundalmaǵan;
fılmderde jargondar, balaǵat sózder jáne normatıvten tys leksıka paıdalanylmaıdy;
2) «BA» - on eki jasqa tolǵan balalarǵa kórsetýge ruqsat berilgen fılmder:
fılmder seksýaldyq kórinisterimen, esirtki quraldary men psıhotroptyq zattardy qabyldaý kórinisterimen, ózine ózi qol jumsaý, óltirý, aýyr syrqattar, ishimdikke jáne esirtkige táýeldilik, neke buzý, násilshildik, dinı máseleleri, áleýmettik jat minez-qulyq kórinisterimen mazmundalmaǵan;
fılmder qantógisti kórsetpeıtin zorlyq-zombylyq kórinisterimen, qaıǵyly oqıǵanyń nemese apattyń qysqasha beınesimen, jekelegen jalańash kórinisterimen mazmundalǵan;
fılmderde balaǵatsyz jáne normatıvten tys leksıkasyz belgili jargon sózder paıdalanylady;
3) «B14» - on tórt jasqa deıingi balalarǵa ata-analarymen birge kórýge usynylatyn fılmder:
fılmder seksýaldyq kórinisterimen mazmundalmaǵan;
fılmder ózine ózi qol jumsaý, óltirý, otbasylyq ómir men neke buzý máseleleri, esirtkige jáne ishimdikke táýeldilik, syrqattar, násilshildik, dinı máseleleri, áleýmettik jat minez-qulyq kórinis­terin, esirtki quraldary men psıhotroptyq zattardy qoldanýdyń qysqasha kórinisterin, zorlyq-zombylyq pen qatygezdik elementteri (tóbeles, qarý qoldaný), jalańash kórinisterimen mazmundalǵan;
fılmderde dóreki jargon, balaǵat sózderi paıdalanylady.
4) «E16» - on alty jasqa deıingi kórermenderge ata-analarymen birge kórýge usynylatyn fılmder:
fılmder ózine ózi, óltirý, otbasylyq ómir men neke buzý máseleleri, esirtkige jáne ishimdikke táýeldilik, syrqattar, násilshildik, dinı máseleleri, áleýmettik jat minez-qulyq, jalańash, zorlyq-zom­bylyq kórinisterin, eger ol egjeı-tegjeıli jáne asa qatygezdikpen berilmese, esirtki qabyldaý jáne olardyń saldarynyń, biraq osy qubylysty aqtaý turǵysynan emes kórinisterimen mazmundalǵan;
fılmderde geteroseksýaldy juptardyń seksýaldy ózara qarym-qatynastary jalpyǵa ortaq tártip normalary sheginen shyqpaǵan jaǵdaıda, boljanady jáne ımıtatsııalanady;
fılmderde dóreki jargon, balaǵat, normatıvtik emes leksıka sózderi paıdalanylady;
5) «E18» - on segiz jastan asqan kórermenderge arnalǵan fılmder:
fılmder ózine ózi qol jumsaý, óltirý, otbasylyq ómir men neke buzý máseleleriniń, esirtkige jáne ishimdikke táýeldilik, syrqattar, násilshildik, dinı máseleleriniń, áleýmettik jat minez-qulyq, jalańash kórinisterimen, kıno týyndysynyń sıýjeti jáne kórkemdik maqsatymen aqtalǵan jaǵdaıda jynystyq qatynas nemese ózge de erotıkalyq áreketter, seksýaldyq zorlyq nemese kúshteý kórinisterimen, zorlyq-zombylyq kórinisterimen, esirtkige salyný jáne onyń saldarlaryn qııanat etý kórinisterimen mazmundalǵan;
fılm keıipkerleriniń sóılegen sózderi shektetilmegen;
6) «NA» - jıyrma bir jasqa tolǵan kórermenderge ǵana arnalǵan fılmder:
fılmder Respýblıkanyń konstıtýtsııalyq qurylymyn kúshtep ózgertý, tutastyǵyn buzý, memleket qaýipsizdigine zııankestik jasaý, soǵys, áleýmettik, násildik, ulttyq, dinı, tektik jáne rýlyq ústemdikti, qatygezdik pen zorlyq-zombylyqty úgitteý nemese nasıhattaý kórinisterimen, sonymen qatar pornografııalyq jáne arnaýly seksýaldyq-erotıkalyq sıpattaǵy kórinisterinen ózge kez kelgen kórinistermen mazmundalǵan;
fılm keıipkerleriniń sóılegen sózderine shekteý joq.
4. «NA» ındeksti fılmniń jarııaly kórsetilimine (demonstratsııasyna) jergilikti ýaqytpen saǵat 22-den keıin tańǵy saǵat 06-ǵa deıin osy maqsattarǵa arnalǵan kınozaldar men oryndarda jol beriledi.
Telearnalar boıynsha (sheteldik telearnalardy qospaǵanda) «E18» ındeksti fılmdi - jergilikti ýaqytpen saǵat 22-den keıin tańǵy saǵat 06-ǵa deıin, «NA» ındeksti fılmdi jergilikti ýaqytpen saǵat nólden tańǵy saǵat 06-ǵa deıin kórsetýge jol beriledi.
5. Ár fılmge ındeksi Qazaqstan Respýblıkasy Mádenıet jáne aqparat mınıstrliginiń Mádenıet komıtetimen beriledi jáne fılmge prokattaý kýáliginde belgilenedi.

Buıryq Qazaqstan Respýblıkasynyń Ádilet mınıstrliginde 2012 jylǵy 10 sáýirde Normatıvtik quqyqtyq kesimderdi memlekettik tirkeýdiń tizilimine №7537 bolyp engizildi.