QR Mádenıet mınıstrligine jańa vıtse-mınıstrler taǵaıyndaldy

ASTANA. QazAqparat - QR Mádenıet mınıstrliginde jańa kadrlyq taǵaıyndaýlar boldy, dep habarlady «Kazahstanskaıa pravda» gazeti.

«Úkimettiń qaýlysymen Janaı Seıitjanuly Omarov pen Asqar Ysmaıyluly Bóribaev burynǵy qyzmetterinen bosatylyp, Qazaqstan Respýblıkasynyń mádenıet vıtse-mınıstrleri bolyp taǵaıyndaldy», - delingen habarlamada.

J.Omarov ár kezderi mádenıet mınıstrliginiń aqparat jáne qoǵamdyq kelisim departamentiniń dırektory, Qazaqstan Prezıdentiniń baspasóz hatshysy, «QazAqparat» agenttiginiń basshysy, «Karavan» gazetiniń bas redaktory qyzmetterin atqarǵan. 2011 jyldyń shildesinen «Kazahstanskaıa pravda» RG» AQ basqarma tóraǵasy bolǵan.

A.Bóribaev Qazaqstanda vıolonchelshi jáne dırıjer retinde tanymal. Ol Almatyda Qurmanǵazy atyndaǵy memlekettik konservatorııanyń aǵa oqytýshysy, dotsenti, «Solısty Patry» orkestriniń oryndaýshysy - Afıny konservtorııasynyń professory bolǵan. 2007 jyldan 2008 jyldyń naýryzyna deıin QR mádenıet jáne aqparat vıtse-mınıstri boldy, al 2010 jyldyń naýryzynan QR mádenıet vıtse-mınıstri boldy.