QR ІІM: Saılaý kúni eldegi ahýal turaqty
ASTANA. KAZINFORM — Qazaqstanda Quryltaı depýtattaryn saılaý kúni jaǵdaı turaqty, qoǵamdyq tártiptiń óreskel buzylýyna jol berilgen joq. Bul týraly onlaın-marafon aıasynda ótken OKQ brıfınginde QR ІІM-niń resmı ókili Shyńǵys Alekeshev málimdedi.
Onyń aıtýynsha, ІІM elimizdiń barlyq óńirindegi jaǵdaıdy naqty ýaqyt rejıminde baqylaýda. Monıtorıng júrgizý úshin ІІM-niń jedel basqarý ortalyqtarynyń múmkindikteri paıdalanylyp jatyr. Kósheler, qoǵamdyq oryndar jáne saılaý ýchaskelerine irgeles aýmaqtar beınebaqylaý kameralary arqyly turaqty vızýaldy baqylaýda.
— Qalalyq jáne aýdandyq bólimshelerde kez kelgen ótinishter men aqparattarǵa jedel áreket etýge daıyn mobıldi toptar jumys isteıdi. Jaǵdaıdy baqylaý tikeleı oqıǵa ornynda da, tsıfrlyq múmkindikterdi paıdalaný arqyly da úzdiksiz júrgizilip otyr, — dep atap ótti Sh.Alekeshev.
Ol azamattardyń nemese saılaý komıssııalarynyń ótinishteri boıynsha polıtsııa qajetti sharalardy jedel qabyldaýǵa daıyn ekenin aıtty.
— Qoǵamdyq tártipti saqtap, jaýapkershilik tanytyp otyrǵan azamattarǵa alǵysymyzdy bildiremiz. Polıtsııa qyzmetin jalǵastyryp jatyr, — dedi QR ІІM-niń resmı ókili.
Aıta ketelik ІІM Quryltaı saılaýy boıynsha jaǵdaı turaqty, qoǵamdyq tártipti óreskel buzý faktileri tirkelgen joq ekendigin aıtqan edi.
