ІІM qyzmetkerine tıesili turǵyn úı tóleminiń negizsiz toqtatylýy zańǵa qaıshy — Joǵarǵy Sot
ASTANA. KAZINFORM – Joǵarǵy Sot ishki ister qyzmetkerine tólenýi tıis turǵyn úı tóleminiń negizsiz toqtatylǵanyn dáleldedi.
Málim bolǵandaı, Astana turǵyny ishki ister organdarynda 2001 jyldyń tamyz aıynan beri qyzmet etken. Bir jyldan keıin ol Іshki ister mınıstrligi departamenti Astana stansasyndaǵy jelilik polıtsııa basqarmasynyń bastyǵy bolyp taǵaıyndalǵan. Bir jyldan keıin ol Departament bastyǵynyń buıryǵymen «Quqyq qorǵaý qyzmeti» baǵdarlamasy boıynsha Akademııanyń magıstratýrasyna oqýǵa qabyldanyp, qyzmetinen bosaǵan. Zańǵa sáıkes oqý demalysy berilgen.
— Akademııaǵa issaparǵa jiberilýine baılanysty onyń turǵyn úı tólemderi toqtatylǵan. Ol bul sheshimge sotqa shaǵymdanyp, ІІM Kóliktegi polıtsııa departamentinen ishki ister organdarynyń qyzmetkeri retinde bul tólemderdi qaıta jańǵyrtýdy mindetteýdi talap etti. Astana qalasynyń MAÁS-y bul talap qoıýdy qaraýdan bas tartqan, — dep habarlady Joǵarǵy Sottan.
Apellıatsııa atalǵan sot aktisin buzyp, talap qoıýdy qanaǵattandyrdy. Zańsyz dep tanylyp, departamenttiń turǵyn úı komıssııasynyń talap qoıýshyǵa turǵyn úı tólemderin aýdarýdy toqtatý bóligindegi sheshimi joıyldy.
— Іshki ister mınıstrliginiń departamenti kassatsııalyq shaǵym túsirdi. Joǵarǵy Sottyń Ákimshilik ister jónindegi sot alqasy isti qaraı otyryp, ishki ister organdary qyzmetkerleriniń turǵyn úıge quqyqtaryn júzege asyrýy qyzmettik turǵyn úı berý nemese turǵyn úıdi berý arqyly turǵyn úıge muqtaj dep tanylǵan kúnnen bastap olardyń jeke arnaıy shotyna tólemder júzege asyrylatynyn atap ótti. Orta, aǵa jáne joǵary basshy quramdaǵy qyzmetkerlerdi joǵarylatý memlekettik tapsyrys sheńberinde quqyq qorǵaý bilim berý uıymdaryna aǵymdaǵy shtattyq laýazymnan bosatyla otyryp oqýǵa qabyldaýǵa baılanysty júzege asyrylady. Osyǵan baılanysty talap qoıýshynyń turǵyn úı tólemderin alý quqyǵy joǵalǵan joq. Onyń banktik qaryz sharty boıynsha ótelmegen mindettemesi bar jáne turǵyn úı men turǵyn úı tólemderine muqtaj, — delingen habarlamada.
Sottyń habarlaýynsha, zań boıynsha turǵyn úı tólemderin tek jumysqa aýysqan jaǵdaıda ǵana toqtata turý qarastyrylǵan, al qaralyp jatqan is boıynsha áskerı qyzmetshi jumysyn aýystyrǵan joq.
— Áskerı qyzmetshiniń oqý demalysy kezeńinde turǵyn úı tólemderin saqtaý máselesi Zańmen tikeleı rettelmegen, bul rette zańnamadaǵy barlyq kúmándar, qaıshylyqtar men túsiniksizdikter ákimshilik is júrgizýge qatysýshynyń paıdasyna túsindiriledi, sot zańnyń uqsastyǵyn qoldandy. Ákimshilik ister jónindegi sot alqasy apellıatsııa qaýlysyn kúshinde qaldyrdy, - dep habarlady tıisti organ.
Buǵan deıin habarlanǵandaı, Joǵarǵy Sot balasyn oqýǵa jibermegen ata-anaǵa qatysty isti qarady.