QR ІІM: Qazaqstanda týrısterdi aqparattandyrý jáne qorǵaý úshin servıster iske qosyldy
ASTANA. KAZINFORM – Úkimet otyrysynda Іshki ister mınıstri Erjan Sádenov Qazaqstandaǵy týrısterdiń qaýipsizdigin qamtamasyz etý sharalary týraly baıandady.
Elimizde týrısterdiń kelýi týraly onlaın-habarlama uıymdastyryldy, sondaı-aq saıahatshylarǵa arnalǵan mobıldi qosymsha iske qosyldy. Іri áýejaılarda QR-kodtary bar «týrıstik kartalar» beriledi, olar birneshe tilde: kóshi-qon zańnamasynyń erejeleri, shuǵyl qyzmetterdiń baılanystary, taksıler, baılanys operatorlary, aımaq kartalary jáne «102» qosymshasyna silteme týraly aqparatty qamtıdy.
Vedomstvo basshysynyń aıtýynsha, óńirlerde qaýipsizdikti qamtamasyz etý úshin týrıstik aımaqtarda, ulttyq saıabaqtarda jáne týrıstik oryndarda shet tilderin meńgergen týrıstik polıtsııa bólimsheleri jumys isteıdi. Onda beınebaqylaý júıeleri, dabyl túımeleri ornatylǵan jáne zańsyz tasymaldardyń jolyn kesý úshin aldyn alý sharalary júrgizilýde.
Aıta keteıik, Oljas Bektenov týrısterge kelgen sátten bastap, ketkenge deıin qolaıly jaǵdaı jasaýdy tapsyrǵan edi.