QR ІІM Almaty akademııasy jańa oqý jylyna qujattar qabyldaı bastady

ALMATY. KAZINFORM – Qazaqstan Respýblıkasy Іshki ister Mınıstrliginiń M.Esbolatov atyndaǵy Almaty akademııasy bakalavrıat baǵdarlamasy boıynsha oqytýǵa qujat qabyldaı bastady. 

Qylmystyq quqyq jáne krımınologııa kafedrasynyń oqytýshysy Albına Turǵynbaevanyń aıtýynsha, akademııa krımınaldy polıtsııanyń, kıberqylmyspen kúres bólimsheleriniń, ákimshilik polıtsııanyń, sonymen birge tergeý bólimsheleri, aqparattandyrý men baılanys qyzmetiniń mamandaryn daıarlaıdy.

Oqý baǵdarlamasyna mynalar kiredi: 

- «Quqyq qorǵaý jumysy»;
- «Kıberqylmysqa qarsy is-qımyl»;
- «Іshki ister organdarynyń jumysyn IT-krımınalıstıka turǵysynan qamtamasyz etý (Tsıfrly krımınalıstıka)»;
- «Іshki ister organdaryn aqparattyq-tehnıkalyq turǵyda qamtamasyz etý»;
- «ІІO-ǵy sotqa deıingi tergeý».

Almaty akademııasynyń bakalavrıatyna 16 jasqa tolǵan, orta bilimi bar Qazaqstan Respýblıkasynyń azamattary túse alady. Baıqaýǵa qatysý úshin UBT-dan kem degende 50 balldan, onyń ishinde ár pánnen 5 balldan jınaýy tıis. «Oqý saýattylyǵy» men «matematıkalyq saýattylyq» páninen ótý baly 3 balldan tómen bolmaıdy.

– Qazaqstan Respýblıkasynyń Ulttyq Gvardııasynda áskerı mindetin ótegenderdi, alǵan baly talapqa saı keletinderdi, UBT-dan 100 ne odan da joǵary ball alǵandardy, sport sheberlerin, jumys barysynda qaza bolǵan polıtsııa qyzmetkerleriniń balalaryn baıqaýdan tys qabyldaımyz, - dedi kásibı daıarlyq fakýltetiniń oqytýshy-ádiskeri Madına Beıilqyzy. 

Odan bólek úmitkerler irikteý kezinde myna jattyǵýlardan ótedi:

- 100 metrge júgirý (jigitter, qyzdar);
- 1 000 metrge júgirý (jigitter, qyzdar);
- Bıik baǵanǵa tartylý (jigitter);
- Shalqasynan jatyp deneni 1 mınýt boıy kóterip ustaý (qyzdar).

Eske salaıyq, bıyl 217 myńǵa jýyq mektep túleginiń 183 myńy UBT tapsyratynyn jazǵanbyz.