QR qylmystyq zańnamasyn izgilendirý aıasynda 34 adam temir tordyń ar jaǵynan bosady - Ádilet mınıstrligi
ASTANA. 21 aqpan. QazAqparat /Ǵalymjan Hasenov/ - QR Qylmystyq zańnamasyn izgilendirý bastalǵannan beri birshama sottalǵan azamattar temir tordyń ar jaǵynan shyǵyp,
jańa ómir bastaýǵa múmkindik aldy. Bul týraly Ádilet mınıstrligi Qylmystyq atqarý júıe komıtetiniń baspasóz qyzmeti málim etip otyr.
Qylmystyq atqarý júıe komıtetiniń resmı ókili Samal Ǵadylbekovanyń aıtýynsha, penıtentsıarlyq júıedegi barlyq túzetý mekemelerinde qazirgi tańda ortasha deńgeıdegi qylmys jasap, óz jazalaryn ótep jatqan birneshe ondaǵan adamdardy bostandyqqa jiberýge qatysty jumystar belsendi túrde atqarylyp jatyr.
Mysalǵa, ótken demalys kúnderi Almaty oblysyndaǵy túzetý mekemelerinen 34 adam, sonyń ishinde qatań rejımdegi kolonııadan 27 jazasyn óteýshi jáne jalpy rejımdegi mekemeden 7 adam bosap shyqty.
Aǵymdaǵy aptada Qyzylorda oblysynan 10 adam abaqtydan shyǵady. Osy óńir boıynsha taǵy 15 adamnyń qujattamasy qaralyp jatyr.
