QR Qylmystyq kodeksine eki tildegi túsinikteme tanystyryldy
Oǵan Qazaqstan Respýblıkasy Parlamentiniń depýtattary, Qazaqstan, Polsha, Reseı, Túrkııa joǵary oqý oryndarynyń jetekshi ǵalymdary, sondaı-aq elimizdiń zań qaýymdastyǵynyń ókilderi qatysty.
Ǵylymı forým aıasynda Qazaqstannyń eńbek sińirgen qaıratkeri Isıdor Borchashvılı daıyndaǵan ári memlekettik jáne orys tilderinde alǵash ret basylyp shyqqan «Qazaqstan Respýblıkasynyń Qylmystyq kodeksine túsinikteme» atty úsh tomdyq kitaptyń tusaýkeseri ótti.
Basylymdy daıyndaý barysynda avtor Qazaqstan Konstıtýtsııasynyń, QR ratıfıkatsııalaǵan halyqaralyq mańyzdy aktilerdiń, QR Konstıtýtsııalyq Keńesi men QR Joǵarǵy Sotynyń normatıvtik qaýlylarynyń, ulttyq zańnamanyń erejelerin, sondaı-aq sot-tergeý tájirıbesinen alynǵan mysaldardy barynsha tolyq paıdalanǵan.
Úsh tomdyq kitap sarapshylar qaýymdastyǵynan oń baǵa aldy. Basylymǵa qylmystyq quqyq salasyndaǵy qazaqstandyq qana emes, sheteldik kórnekti ǵalymdar da retsenzııalaryn bergen bolatyn. Basylymdy Qazaqstan Respýblıkasy Bilim jáne ǵylym mınıstrligi elimizdiń joǵary oqý oryndaryna arnap usynyp otyr.
QR Parlamenti Senaty tóraǵasynyń orynbasary Nurlan Ábdirov tusaýkeser barysynda sóz alyp, elimizdiń zań qoǵamdastyǵyna mundaı arnaýly ári sapaly ádebıetti basyp shyǵarýdyń zor mańyzy bar ekenin atap ótti.
«Isıdor Borchashvılı ázirlegen úsh tomdyq – onyń orasan zor shyǵarmashylyq jumysynyń jemisi. Ol konstıtýtsııalyq qundylyqtardy – adamdy, onyń ómirin, quqyqtary men bostandyqtaryn qorǵaıtyn osy mańyzdy kodıfıkatsııalanǵan aktiniń barlyq normalaryna mazmundy da salmaqty ǵylymı túsindirme bere aldy. Elimiz Prezıdenti Qasym-Jomart Toqaev júrgizip otyrǵan quqyq qorǵaý jáne sot salalaryn júıeli jańǵyrtý aıasynda qylmystyq zańnamaǵa engizilgen jańalyqtardyń qamtylýy – atqarylǵan jumystyń mańyzdylyǵyn kórsetedi. Sondaı-aq, Qylmystyq kodekske túsinikteme qazaq tilinde shyǵarylýynyń da mańyzy zor. Táýelsizdiktiń 30 jyldyǵy qarsańynda avtordyń óz eline osynaý qomaqty syıy quqyq qorǵaý organdarynyń qyzmetkerleri, ǵalymdar, oqytýshylar, zańger-stýdentter tarapynan joǵary suranysqa ıe bolatyny daýsyz ári Qazaqstannyń quqyqtyq júıesiniń odan ári turaqty damýyna óz úlesin qosatyn bolady», - dedi N. Ábdirov.
Sonymen qatar, halyqaralyq ǵylymı-praktıkalyq konferentsııa aıasynda Astana halyqaralyq ýnıversıteti men Pıatıgorsk memlekettik ýnıversıteti (Reseı Federatsııasy) arasynda áriptestik jáne yntymaqtastyq týraly kelisimge qol qoıyldy.
