QR qylmystyq-atqarý júıesi mekemelerinde kolonııalarǵa esirtkilerdiń túsý arnalarynyń jolyn kesý jumystary kúsheıtildi
ASTANA. Sáýirdiń 15-i. QazAqparat /Ǵalymjan Hasenov/ - Qylmystyq-atqarý júıesi mekemelerinde (QAJ) kolonııalarǵa aýyr esirtkilik zattardyń túsý arnalarynyń jolyn kesý jumystary kúsheıtildi,
dep habarlady QR ÁM Qylmystyq-atqarý júıesi komıtetiniń baspasóz qyzmetinen.
Aǵymdaǵy aptanyń ózinde ǵana QAJ qyzmetkerleri esirtkilerdi ótkizýdiń birneshe faktisin anyqtady. Mysalǵa, ETs-166/5 (Aqmola oblysy, Arshaly kenti, erekshe rejim) mekemesinde sottalýshyǵa azyq-túlikpen birge esirtkini berip jibermek bolǵan Qyzylorda oblysynyń turǵyny ustaldy. Jalpy salmaǵy 27 gramm geroın eki túbi bar sarymaıdyń temir bankilerinen tabyldy.
Sondaı-aq, Soltústik Qazaqstan oblysyndaǵy jalpy rejimdegi abaqtynyń qabyldaý-berý bólmesinde osyǵan uqsas eki árekettiń joly kesildi. Tárkilengen esirtkiniń jalpy salmaǵy 15 gramm.
Anyqtalǵan faktiler boıynsha tergeýaldy jumystar júrgizilýde. Aǵymdaǵy jyldyń birinshi toqsanynda kolonııalarǵa esirtki zatyn ótkizý áreketteri úshin, azamattyq tulǵalarǵa qatysty QR Qylmystyq kodeksiniń 259-shy baby boıynsha 17 is qozǵaldy.
