QR Qurylys salýshylar qaýymdastyǵynyń músheleri salynyp jatqan baspananyń qurylysyn toqtatpaıdy

Bul týraly búgin Astanada ótken baspasóz máslıhatynda atalǵan qaýymdastyqtyń atqarýshy dırektory Aslan Túkıev málim etti.

«Qazaqstannyń Qurylys salýshylar qaýymdastyǵyna múshe kompanııalar jobalardy toqtatpaıdy, sebebi biz bul baǵyttaǵy jumystardy baqylap otyrmyz. Bul nysandardyń qurylysy aıaqtalyp, tapsyrylady. Alaıda, maǵan barsha salanyń atynan jaýap berý qıyndaý bolady. Memlekettik organdar men qaýymdastyq tarapy barsha nysandardyń aıaqtalýyn talap etedi. Eger de qurylys toqtap qalsa, bundaılardy problemalyq nysandar retinde moıyndaımyz. Osy oraıda jeke qurylysshylarǵa nysandardyń qurylysyn aıaǵyna deıin jetkizý úshin basqa tetikter arqyly kómektesemiz, onyń ishinde turǵyn úı-qurylys kooperatıvteri arqyly»,-dedi ol.