QR Qurlyq áskerlerinde 1 000-nan astam sarbaz saltanatty túrde ant qabyldady (FOTO)

ASTANA. QazAqparat - Búgin QR QK Qurlyq áskerleriniń áskerı bólimderi men bólimshelerinde jas sarbazdardyń saltanatty túrde ant qabyldaý rásimi ótti. Bıylǵy jyly armııa áskerin elimizdiń ár aımaǵynan shaqyrtylǵan 1 000-nan astam sarbaz tolyqtyrdy, dep habarlady QR Qorǵanys mınıstrliginiń baspasóz qyzmetinen.

Bul kún - jas sarbazdarmen olardyń jaqyndary úshin ǵana emes, ol áskerı bólimder men bólimshelerdiń komandırleri úshin de aıryqsha kún. Bıylǵy jyly 30 212 (Otar) áskerı bólimin 600-ge jýyq, 12740 (Saryózek) áskerı bólimin 400-ge jýyq jáne 32363á/b (Qapshaǵaı) áskerı bólimin 350-ge jýyq áskerı qyzmetshi tolyqtyrdy.

Saltanatty ant qabyldaý is-sharalary sheńberinde ótken baǵdarlamaǵa sarbazdardyń qarýmen jasalatyn defılesi, áskerı orkestrdiń qoıylymy kirgen bolatyn.

Budan ózge, Qazaqstan Qarýly Kúshteriniń qataryn tolyqtyrǵan jas sarbazdar bul is-shara úshin qyzyqty baǵdarlama ázirlegen edi. Qoıan-qoltyq kúresi, keshendi dene daıyndyǵy jattyǵýlary men qarýmen jáne qarýsyz saptyq ádister - bul baǵdarlamanyń tek kishigirim bóligi. Jas sarbazdar is júzinde bir aıy boıy jas jaýyngerlerdiń kýrsynda úırengen biliktilikterin pash etti.