QR quramasynyń bas bapkeri gımnastshylardyń Álem kýbogyndaǵy ónerine baǵa berdi
BAKÝ. QazAqparat - Qazaqstandyq sportshylar Bakýde sporttyq gımnastıkadan ótip jatqan Álem kýbogynyń fınalyn aıaqtady, dep habarlaıdy «QazAqparat» HAA menshikti tilshisi.
Atalǵan sport dodasynda Qazaqstan atynan Narıman Qurbanov, Erbol Jantyqov pen Danııl Batýrın óner kórsetken bolatyn. E.Jantyqov altynshy orynǵa turaqtasa, D.Batýrın 7-shi oryn aldy.
Sporttyq gımnastıkadan Qazaqstan quramasynyń bas bapkeri Aleksandr Kımniń sózinshe, qazaqstandyq sportshylar Álem kýbogynyń eki kezeńinde óner kórsetti: avstralııalyq Melbýrnde jáne Bakýde.
«Melbýrnde Narıman Qurbanov «altyn» aldy. Bakýde ol taǵy fınalǵa shyǵyp, alaıda jeńiske qol jetkize almady. Qurama quramyna bıyl kirdi. Osyǵan qaraı onyń tájirıbesi áli azdaý. Biz Dohada bolatyn básekede ol taǵy fınalǵa shyǵa alady dep úmittinemiz»,-dedi ol.
«E.Jantyqov pen D.Býatýrın halyqaralyq dárejege saı óner kórsetti. Biz ózgelermen emin-erkin básekege túse alamyz, alaıda osy joly eki sportshy da yrǵalyp sekirýdi durys oryndamady. Jerge dálirek túsý kerek edi. Eger E.Jantyqov jerge senimdi túskende úshinshi bolatyn edi»,-dedi A.Kım.
QR quramasynyń bapkeri Erlan Uzaqov osy jolǵy Álem kýbogynda jahannyń myqty degen gımnastshylary, álem chempıondary, Olımpıada oıyndarynyń qatysýshylary men júldegerleri shyqqandyǵyn aıtty.
«Qarsylastar árıne, myqty boldy. Bizdiń jigitter áli jas, sondyqtan olar bolashaqta reıtıngterin joǵarylatyp, medalǵa talasatyn bolady dep úmittenemiz. Sodan soń bizge de keı jerlerde jetildire túsip, sportshylardyń sheberlikterin shyńdaı túsý qajet bolady»,-dedi bapker.
Aıta keteıik, Bakýde sporttyq gımnastıkadan Álem kýbogy aıaqtaldy.
