QR Quramasy qoıan-qoltyq urystan álem chempıony atandy
ASTANA. QazAqparat - 21-23 sáýir aralyǵynda Máskeý qalasynda erler men áıelder arasynda qoıan-qoltyq urys jekpe-jeginen Álem chempıonaty ótti.
Qazaqstan Respýblıkasynyń ulttyq qurama komandasy erler arasynda 9 túrli, al áıelder arasynda 6 túrli salmaq dárejesinde baq synady. Aıta keterligi, qurama komandadaǵy sportshylardyń kópshiligi elimizdiń kúshtik qurylymdarynan jasaqtalǵan.
Álemdik dodanyń nátıjesinde ulttyq qurama túrli deńgeıdegi 14 medaldi qanjyǵalaryna baılap, komandalyq esepte 1-shi oryndy ıelendi.
Jarys halyqaralyq jekpe-jek federatsııasynyń (HSIF) bastamasymen uıymdastyryldy.
Erler arasynda jeńimpaz atanǵandar qatarynda:
1 oryn - 55 kg salmaq dárejesine deıin - Saǵyn Qazbek (Almaty q. ІІD ókili), 65 kg salmaq dárejesine deıin - Satybaldıev Rahmetolla (Aqmola obl. ІІD ókili ), 90 kg deıin - Abzalıev Oljas (QR Memlekettik kúzet qyzmetiniń qyzmetkeri), 90 kg asa salmaq dárejesinde - Ústembaev Danııar (QR Memlekettik kúzet qyzmetiniń qyzmetkeri);
2 oryn - 65 kg deıin - Muqashev Ulan (Almaty q. ІІD ókili), 95 kg deıin - Alybek Aıbek (QR Memlekettik kúzet qyzmetiniń qyzmetkeri), 85 kg deıin - Muhamadıev Іlııas (QR UQK ókili);
3 oryn - 70 kg salmaq dárejesine deıin - Zabıev Nazarbek (QR UQK ókili ).
Áıelder arasynda júldeli oryndarǵa ıe bolǵandar:
2 oryn - 50 kg salmaq dárejesine deıin - Ahmet Qymbat (Almaty obl. QAJK ókili);
3 oryn - 45 kg salmaq dárejesine deıin - Áshimova Alına (Jekpe-jek federatsııasynyń Aqmola obl. ókili), 55 kg salmaq dárejesine deıin - Iskarenova Roza (Aqmola obl. ІІD ókili), 65 kg salmaq dárejesine deıin - Muhamedıaova Anjelıka (Jekpe-jek federatsııasynyń Astana q. ókili), 70 kg salmaq dárejesine deıin Tikebaeva Merýert (Jekpe-jek federatsııasynyń Aqtóbe obl. ókili).
