QR quramasy Baký qalasyndaǵy bokstan jastar arasyndaǵy A.Agalarov Kýbogynda bes medalǵa ıe boldy
ASTANA. 14 jeltoqsan. QazAqparat - Baký qalasynda ótken bokstan jastar arasyndaǵy «A.Agalarov Kýbogy 2011» halyqaralyq týrnırinde Qazaqstan Respýblıkasynyń qurama komandasy bes medaldi jeńip aldy, dep habarlady Qazaqstandyq boks federatsııasynyń baspasóz qyzmeti.
75 keli salmaq sanatynda Qyzylorda qalasynan Tursynbaı Qulahmetov altyn medaldy oljalady, Ońtústik Qazaqstannan Oljas Qalaýbek (49 keli) jáne Taraz qalasynan Álisher Aman (91 keli) - kúmis medalǵa ıe boldy. Astanalyq Ádilbek Ádiljan (56 kei) men Ońtústik Qazaqstan oblysynan Dinıslam Ábdeshev (81 keli) qola medalǵa qol jetkizdi.
8-11 jeltoqsan kúnderi ótken týrnırge 9 qazaqstandyq sportshy qatysty, quramada asa aýyr salmaqtaǵy qolǵap sheberleri bolǵan joq.
Baký rıngine barlyq 7 elden - Qazaqstannan, Ázirbaıjannan, Reseıden, Grýzııadan, Ýkraınadan, Úndistannan, Ózbekstannan 94 boksshy shyqty.
Eske sala keteıik, Qazaqstannyń boks federatsııasynyń bas demeýshisi - «QazmunaıGaz» ulttyq kompanııasy.
