QR quqyq qorǵaý organy qyzmetkeri qyzmettik mindetterin atqarý kezeńinde mertikken, qaza tapqan jaǵdaıda onyń alýyna quqy bar birjolǵy ótemaqy tóleý qaǵıdalary bekitildi
ASTANA. 19 qarasha. QazAqparat - «Quqyq qorǵaý qyzmeti týraly» Qazaqstan Respýblıkasynyń Zańyn iske asyrýdyń keıbir máseleleri» týraly QR Úkimetiniń qaýlysymen Qazaqstan Respýblıkasy quqyq qorǵaý organynyń qyzmetkeri óziniń qyzmettik mindetterin atqarý kezeńinde mertikken kezde,
sondaı-aq ol qaza tapqan (qaıtys bolǵan) jaǵdaıda onyń alýyna quqyǵy bar birjolǵy ótemaqy tóleý qaǵıdalary bekitildi.
QazAqparat qujattyń mátinin jarııalaıdy.
Qazaqstan Respýblıkasy Úkimetiniń qaýlysy № 1192
2011 jylǵy 20 qazan, Astana, Úkimet Úıi
«Quqyq qorǵaý qyzmeti týraly» Qazaqstan Respýblıkasynyń Zańyn iske asyrýdyń keıbir máseleleri
«Quqyq qorǵaý qyzmeti týraly» Qazaqstan Respýblıkasynyń 2011 jylǵy 6 qańtardaǵy Zańyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan:
1) Qazaqstan Respýblıkasynyń quqyq qorǵaý organynyń qyzmetkeri óziniń qyzmettik mindetterin atqarý kezeńinde mertikken kezde, sondaı-aq ol qaza tapqan (qaıtys bolǵan) jaǵdaıda onyń alýyna quqyǵy bar birjolǵy ótemaqy tóleý qaǵıdalary;
2) Qazaqstan Respýblıkasynyń quqyq qorǵaý organdarynyń qyzmetkerlerin Qazaqstan Respýblıkasynyń memlekettik organdary men halyqaralyq uıymdarǵa issaparǵa jiberý qaǵıdalary bekitilsin.
2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV
