QR Quqyq qorǵaý organdaryndaǵy kadr saıasaty máseleleri jónindegi komıssııa otyrysynda basshy laýazymdaryna úmitkerler qaraldy

Otyrys barysynda Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń, Qarjy mınıstrligi Memlekettik kiris komıtetiniń jáne Іshki ister mınıstrliginiń basshy laýazymdaryna kandıdattar qaraldy. Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov Agenttiktiń aýmaqtyq bólimshelerindegi basshylary qyzmetine 16 kandıdatty tanystyrdy. Sonyń ishinde úsh qyzmetker Prezıdent Ákimshiliginen, úsheýi - ulttyq qaýipsizdik organdarynan, taǵy úsheýi - prokýratýradan, altaýy - qarjy polıtsııasynan, bireýi - Joǵarǵy sottan boldy. «Bul qyzmetterge úmitkerlerdi Agenttik alǵashynda túrli azamattyq jáne kúsh organdarynan bolǵan 32 adam qatysqan baıqaý negizinde iriktedi», - delingen Agenttiktiń habarlamasynda. Olar jalpy ornatylǵan protsedýralardan (zańnamany bilý boıynsha testileý) basqa olardyń jeke quzyretterin, medıtsınalyq kýálandyrý jáne polıgrafologııalyq zertteý boıynsha kezeńderden ótti. Osy kezeńderdiń barlyǵynan súrinbeı ótken tulǵalar Agenttiktiń aýmaqtyq bólimsheleriniń basshylary qyzmetine usynyldy. Agenttik aýmaqtyq bólimsheleriniń basshylary qyzmetine usynylǵan kandıdatýralardy qarastyryp, kelesi kandıdattardy maquldady: 1) Astana qalasy boıynsha - Azbergenov Dýlat Baıdalyuly. D.B.Azbergenov quqyq organdarynda qyzmet etip júrgenine 25 jyldan asty. Sońǵy eki jyl Qaýipsizdik keńisinde sektor meńgerýshisi bolyp jumys atqardy. 2) Almaty qalasy boıynsha - Óteev Shattyq Tynymbaıuly. Sh.T.Óteev qarjy polıtsııasy organdarynyń júıesinde 15 jyldan astam túrli qyzmetterdi atqardy. Sońǵy qyzmeti - Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) jemqorlyqty ashý jáne aldyn alý departamenti bastyǵynyń orynbasary. «Eren eńbegi úshin» medalimen marapattalǵan. 3) Aqmola oblysy boıynsha - Isakov Nurjan Ázimhanuly. N.Á.Isakov - ádilettiń 3 sanattaǵy memlekettik ádilet keńesshisi, 25 jyl boıy arnaıy jáne quqyq qorǵaý organdarynda jumys istedi. Sońǵy jyldary Bas prokýratýra departamentiniń bastyǵy qyzmetin atqardy. Buǵan deıin «Qurmet» ordenimen marapattalǵan. 4) Aqtóbe oblysy boıynsha - Sýntaev Qaırat Imıatuly. Q.I.Sýntaev 23 jyldan astam quqyq qorǵaý organdarynda qyzmet jasady. Sońǵy bes jylda Prezıdent Ákimshiliginiń quqyq qorǵaý júıesi bóliminiń ınspektory bolyp jumys atqardy. 5) Almaty oblysy boıynsha - Potanın Sergeı Aleksandrovıch. S.A.Potanın quqyq qorǵaý organdarynda 18 jyldan astam ýaqyt eńbek etti. 2014 jyldan beri Almaty oblysynyń ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy) bastyǵynyń orynbasary boldy. Qyzmettik mindetterin úlgili oryndaǵany úshin «Eren eńbegi úshin» medalimen marapattaldy. 6) Atyraý oblysy boıynsha - Ahmetjanov Marat Muratuly. M.M.Ahmetjanov - 3 sanattaǵy memlekettik ádilet keńesshisi. 20 jyl boıy quqyq qorǵaý organdarynda jumys atqardy. Sońǵy eki jylda ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) tóraǵasynyń orynbasary bolyp qyzmet atqarǵan. ІІ dárejeli «Dańq» ordeni memlekettik marapatynyń ıegeri. 7) Shyǵys Qazaqstan oblysy boıynsha - Dosanov Ǵalymbek Nurmyhanuly, 20 jyldan astam ýaqyt ulttyq qaýipsizdik organdarynda jumys istegen. Sońǵy ýaqytta Ulttyq qaýipsizdik komıtetiniń ortalyq apparaty basqarmasynyń bastyǵy qyzmetin atqardy.

8) Jambyl oblysy boıynsha - Qojabaev Maqsat Amanqululy. M.A. Qojabaev 14 jyl boıy prokýratýra organdarynda jumys istedi, sońǵy eki jyly Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) Qyzylorda oblysy boıynsha departamentiniń bastyǵy qyzmetin atqardy. «Erligi úshin» memlekettik syılyǵynyń ıegeri. 9) Batys Qazaqstan oblysy boıynsha - Áshirbaev Ádilhan Qasymhanuly, 12 jyldan astam ulttyq qaýipsizdik organdarynda qyzmet atqarǵan. Sońǵy qyzmeti - aýmaqtyq bólimshede basqarma bastyǵy.

10) Qaraǵandy oblysy boıynsha - Ybyraıymov Erjan Kebekuly. E.K. Ybyraıymov 14 jyldan astam ýaqyt quqyq qorǵaý organdarynda jumys atqardy. Sońǵy jyldary Joǵarǵy sotta bólim meńgerýshi bolyp qyzmet atqardy. 11) Qostanaı oblysy boıynsha - Úsenov Danııar Bekbergenuly, 14 jyldan astam ýaqyt prokýratýra organdarynda eńbek etip júr. 2012 jyldan bastap - Bas prokýratýra departamenti bastyǵynyń orynbasary.

12) Qyzylorda oblysy boıynsha - Qarymsaqov Murat Sekeshuly, 25 jyldan astam ulttyq qaýipsizdik organdarynda jumys istegen. 4 jyldan astam ulttyq qaýipsizdik organdarynyń aýmaqtyq bólimshesindegi basqarmany basqardy.

13) Mańǵystaý oblysy boıynsha - Nálibaev Maqsut Ybyraıhanuly. Quqyq qorǵaý organdaryndaǵy eńbek ótili - 23 jyldan astam ýaqyt. Sońǵy eki jyly Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) Jambyl oblysy boıynsha departamentiniń bastyǵy qyzmetin atqardy. Buǵan deıin «Qurmet» ordenimen marapattalǵan. 14) Pavlodar oblysy boıynsha - Shakenov Denıs Vladımırovıch. D. Shakenov quqyq qorǵaý organdarynda 20 jyldan astam ýaqyt qyzmet etip keledi. 2013 jyldan beri Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) Pavlodar oblysy boıynsha departamentiniń bastyǵy qyzmetin atqardy. «Qurmet» ordeni men «Erligi úshin» medalimen marapattalǵan. 15) Soltústik Qazaqstan oblysy boıynsha - Qabdola Shyńǵys Qaıypuly. Sh.Q. Qabdola 15 jyldan astam ýaqyt quqyq qorǵaý jáne memlekettik organdarda qyzmet etip júr. Sońǵy jyldary Prezıdent Ákimshiliginde sektor meńgerýshisi qyzmetin atqardy. 16) Ońtústik Qazaqstan oblysy boıynsha - Ahmetov Murat Jambyluly, sońǵy 25 jyldan astam ýaqyt prokýratýra organdarynda jumys atqardy. Sońǵy atqarǵan qyzmeti - Soltústik Qazaqstan oblysy prokýrorynyń orynbasary. Sondaı-aq Agenttik tóraǵasynyń buıryǵymen joǵaryda atalǵan kandıdattar sáıkes qyzmetterge taǵaıyndaldy.