QR Kýbogi úshin sýda eskek esýden Astana komandasy ekinshi oryn aldy
ASTANA. 2 mamyr. QazAqparat - Almatyda Qazaqstan Respýblıkasynyń Kýbogi aıasynda sýda eskek esý men kanoeden jarys ótti.
Týrnırdiń qorytyndysy boıynsha beıresmı komandalyq esepte Astana komandasy ekinshi orynǵa shyqty, dep habarlaıdy astana.kz saıty qalalyq Týrızm, dene tárbıesi jáne sport basqarmasyna silteme jasap.
Jarysqa elimizdiń toǵyz aımaǵynan ókilder qatysty. 200 metr qashyqtyqqa jeke eskek esýden tájirıbeli sportshy Alekseı Dergýnov (BQO) jeńiske jetti. Sondaı-aq, ol 500 metr qashyqtyqta da aldyna jan salmaı márege birinshi keldi. Ekinshi oryn 500 metr qashyqtyqta Aleksandr Emelıanovtyń (OQO) enshisine tıdi. Odan bar-joǵy 19 úsh sekýnd keıinge qalǵan 19 jasar astanalyq Dáýlet Sultanbekov úshinshi orynǵa shyqty. 1000 metr qashyqtyqta «úshtik» oryndaryn aýystyrdy. Birinshi oryn - Aleksandr Emelıanovtyń, ekinshi oryn onyń komandalas joldasy ıÝrıı Berezıntsevtyń, al «qola» taǵy da Dáýlet Sultanbekovtyń enshisinde.
«Qyzdar arasynda 200 metr qashyqtyqta elordalyq sport mektebiniń túlegi Inna Klınova jeńimpaz atandy. Astanalyq 17 jasar Zoıa Ananchenko 500 jáne 3000 metrde ekinshi nátıje kórsetip, 1000 metrde úshinshi orynǵa shyqty. 1000, 3000 metr qashyqtyqta «kúmis» astanalyq Krıstına Absınskaıanyń qanjyǵasyna baılandy», - delingen habarlamada.
Eskek esýdegi Alekseı Dergýnov-Evgenıı Alekseev dýeti úsh ara qashyqtyqta - 200, 500 jáne 1000 metrde birinshi keldi. Jup kanoede 200, 500 jáne 1000 metrlik jarysta aǵaıyndy Tımofeı men Mıhaıl Emelıanovtardyń baǵy jandy. Áıelder juby Zoıa Ananchenko men Tatıana Kanıvets juptasyp jarysýda úsh araqashyqtyqta da úzdik shyqty. 500 jáne 1000 metrdegi ekinshi oryn Krıstına Absınskaıa-Evgenııa Lıamkınanyń jubyna buıyrdy.
Qoryta aıtqanda, QR Kýbogi úshin jarysta Ońtústik Qazaqstan oblysynyń qurama komandasy úzdik tanyldy. Beıresmı komandalyq esepte ekinshi orynǵa Astana, al úshinshi orynǵa Batys Qazaqstan oblysynyń qurama komandasy taban tiredi.
