QR QTKShІ Agenttigi jańadan salynyp jatqan úılerdiń syrtyn keramogranıtpen qaptaýǵa qarsy
ASTANA. 12 tamyz. QazAqparat /Gúlmıra Alıakparova/ - QR Qurylys jáne turǵyn úı-kommýnaldyq sharýashylyǵy isteri agenttigi jańadan salynyp jatqan úılerdiń syrtyn keramogranıtpen qaptaýǵa qarsy. Bul týraly búgin jýrnalısterge bergen suhbatynda Agenttik tóraǵasynyń orynbasary Nıkolaı Tıhonıýk aıtty.
Onyń sózine qaraǵanda, QTKShІ Agenttiginiń tapsyrmasy boıynsha «Turǵyn úı-kommýnaldyq sharýashylyǵyn damytý jáne jańartýdyń Qazaqstandyq ortalyǵy» AQ Astana qalasynda kezdeısoq tańdap alynǵan 15-ke jýyq jańa úıge energoaýdıt júrgizdi. Sonyń 40 paıyzynda jylý naqty ysyrap etilip jatqany anyqtaldy, taǵy 10 paıyzynyń bolmashy kemshilikteri boldy.
«Biz mundaı nátıjeni kútpegen edik. Negizinen olar keramogranıtpen qaptalǵan úıler bolyp shyqty. Keıbirinde bir merdiger jumys istegeni aıqyn kórinip turdy. Árıne, jylýdy ysyrap jasaý koeffıtsıenti nólge teń úıler de boldy», - deıdi ol.
Tıhonıýktiń aıtýynsha, keramogranıt paıdalanýda óte muqııattylyqty talap etetin qurylys materıaly. Durys bekitilmegen keramogranıt tek jylý ótkizip qana qoımaı, adam ómirine de qaýipti. «Qazir keramogranıtti tek 4-shi qabatqa deıin paıdalanýdy engizip otyrmyz. Meniń pikirimshe, bul qurylys materıalyn biz paıdalanyp otyrǵandaǵydan múldem bas tartqan jón. Onyń ústine, ol tabıǵı materıal emes jáne baǵasy da asa qymbat».
Onymen bir mezgilde, Agenttik ókili atap kórsetkendeı, jańa úılerde jylýdyń ysyrap etilýiniń sebebi qoldanylǵan qurylys materıaldarynda emes, olardyń sapasyz salynýynda bolyp otyr. Al memlekettik sáýlet-qurylys qadaǵalaý basqarmasy qurylys nysanynda únemi bola almaıdy. Bul olqylyqtar eldegi tehnıkalyq qadaǵalaý organdarynyń jumysy durys jolǵa qoıylmaýynda bolyp otyr. Sol sebepti QTKShІ Agenttigi osy organdardyń róli men jaýapkershiligin arttyrý maqsatynda birqatar zańdarǵa ózgertýler engizdi. Onda tehnıkalyq qadaǵalaý organdary qurylys nysanynyń basynda táýlik boıyna bolýǵa mindetteletin bolady.
Onymen qosa, budan bylaı memlekettik komıssıany júrgizý kezinde mindetti túrde energoaýdıt qosa ótkiziletin bolady. «ıAǵnı, aldymen energoaýdıt ótkiziledi, odan keıin baryp memlekettik komıssııanyń sheshimi qabyldanady. Ókinishke qaraı, biz jekemenshik sarapshylardyń dárejesi men jaýapkershiligin arttyra almaı otyrmyz. Qazir bul máseleni jiti qadaǵalaýǵa aldyq. Jáne aldaǵy jyldyń aqpan aıynan bastap árbir jekemenshik sarapshy kompanııany jáne olardyń qyzmetkerlerin attestatsııadan ótkizetin bolamyz. Qazir bul qyzmet túri lıtsenzııalanady. Biraq lıtsenzııany Qazaqstannyń kez-kelgen azamaty alyp, qaramaǵyna birneshe adamdy jınap, saraptama júrgize alady. Al olardyń qyzmetteriniń sapasyn eshkim qadaǵalap jatqan joq», - deıdi ol.
Energoaýdıtti júrgizýge jumsalatyn qarajatty múddeli tarap - tapsyrys berýshi tóleıtin bolady.
