QR Qorshaǵan ortany qorǵaý vıtse-mınıstri bolyp Erlan Nysanbaev taǵaıyndaldy

ASTANA. 1 aqpan. QazAqparat - 2013 jyldyń 1 aqpanynda QR qorshaǵan ortany qorǵaý mınıstri Nurlan Qapparov mekeme ujymyna jańa taǵaıyndalǵan vıtse-mınıstr Erlan Nysanbaevty tanystyrdy, dep habarlaıdy vedomstvonyń baspasóz qyzmeti.

Erlan Nysanbaev 1961 jylǵy 11 tamyzynda Almaty oblysynda týǵan. Qazaq aýyl sharýashylyǵy ınstıtýty jáne Abaı atyndaǵy Qazaq Ulttyq pedagogıkalyq ýnıversıtetin támamdady.

Orman sharýashylyǵy ınjeneri, qarjy salasynyń mamany, aýyl sharýashylyǵy ǵylymdarynyń kandıdaty.

Eńbek jolyn 1983 jyldyń qyrkúıek aıynda Almaty oblysyndaǵy orman sharýashylyǵynyń sheberi retinde bastady.

2006 jyldan 2009 jylǵa deıin «Astana-Zelenstroı» AQ-nyń Bas dırektory qyzmetin atqardy.

2009 jyldan QR Qorshaǵan ortany qorǵaý vıtse-mınıstri bolyp taǵaıyndalǵanǵa deıin QR Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasy bolǵan.

«Astanaǵa 10-jyl» mereıtoılyq medalimen, «Eren eńbegi úshin» medalimen, «Qurmet» ordenimen marapattalǵan.