QR Qorǵanys mınıstrliginiń saıty júldeger atandy

ASTANA. QazAqparat - QR Qorǵanys mınıstrliginiń mod.gov.kz resmı saıty «Bılik jáne ózin-ózi basqarý organdary» atalymynda AWARD.kz 13-shi Ulttyq Ǵalamtor júldeniń 2 oryn ıegeri atandy, dep habarlaıdy vedomstvonyń baspasóz qyzmetinen.

QR Qorǵanys mınıstrliginiń mod.gov.kz resmı saıty 7 jyldan astam qyzmet etýde. Alaıda, «jańa baǵytqa» ol bir jyl buryn kóshti. Osy jyldyń naýryzynda qaıta óńdelip, onyń ınterfeısi tolyǵymen ózgeriske ushyrady. Qoldanystaǵy bólimder men saıttyń fýnktsııasy jańartyldy, tyń jańalyq engizildi. QR QM jurtshylyq qyzmetin jarııalaý úshin arnalǵan ár túrli bólimder, QR Qarýly Kúshteriniń ásker túrleriniń kishi saıttary paıda boldy. Elektrondyq ótinishterdi qabyldaý bólimi quryldy. Osynaý barlyq atqarylǵan jumystyń jemisi retinde saıtqa kirý 30 retke eselene tústi, eger 2014 jyly saıtqa kirýdiń ortasha esebi aıyna 900 seansty qurasa, qazirgi sátte 29 000 seansty quraıdy. Paıdalanýshylardyń baǵa berýi boıynsha jarııalanymnyń sapasy eleýli jaqsardy. Kún saıyn saıtqa 3-ten asa biregeı aqparattyq baspasóz relızi, suhbat, beınesıýjet, fotoreportaj jáne t.b. shyǵady. Júldeniń ereksheligi bul baıqaýdaǵy birinshi kezeńde úzdikterdi qazaqstandyq saraptaý toby anyqtaıdy. Oǵan saıttardy ázirleý jáne ilgeriletý aıasyndaǵy mamandar kiredi. Ekinshi kezeńde halyqaralyq sarapshylardan quralǵan kásibı ádilqazylar alqasy.

AWARD.kz ulttyq ǵalamtor júldesi Qaznet veb-saıttarynyń baıqaýy bolyp tabylatynyn aıta keteıik. Onda elimizdiń eń sapaly, qyzyqty, paıdaly jáne kórkem saıttaryn aıqyndaıdy jáne olarǵa Ulttyq ǵalamtor júldesiniń qurmet marapattaryn tabys etedi. Jyl saıyn 13 jyl boıy ótýde.