QR Qorǵanys mınıstrliginiń Kadet korpýsynda bolashaq kásibı-serjanttar áskerı ant qabyldady
ASTANA. 11 qyrkúıek. QazAqparat - Qazaqstannyń túkpir-túkpirinen 195-ten astam kadet Otanǵa adaldyq antyn saltanatty túrde qabyldady.
Bozbalalardyń ásqaısysy, ant qabyldaǵannan keıin qoltańbalaryn qoıý arqyly Qazaqstan halqy aldynda adal boryshyn atqarýǵa sóz berdi. Іs-sharaǵa Qorǵanys mınıstrliginiń, jergilikti bılik organdarynyń ókilderi, Uly Otan soǵysy men Qazaqstan Qarýly kúshteriniń ardagerleri, kadetterdiń týystary men joldastary qatysty.
Aıta keteıik, kásibı mamandardy daıyndaıtyn oqý mekemesi Elbasynyń Jarlyǵymen 1996 jyly shilde aıynda qurylǵan bolatyn. Al 2000 jyly QR QM Kadet korpýsyna Shoqan Ýálıhanov aty berilgen edi.
Kadet korpýsyn támamdaǵannan keıin kadetter kólik jáne bronetankti tehnıkany jóndeý boıynsha temir ustasy mamandyǵy men motoatqysh áskerleriniń kishi komandıri dıplomyna ıe bola alady. Sonymen qatar, olar 3-shi synypty BMP júrgizýshi-mehanıgi men «V,S» kategorııaly júrgizýshi kýáligin alady.
Kadet korpýsy qabyrǵasynan barlyǵy 1800-den astam kásibı-serjant - Qazaqstan áskeriniń kishi komandırleri Qarýly kúshter qataryna qosylyp daıyndalyp shyǵaryldy.
