QR Qorǵanys mınıstrliginiń ǵımaraty janynda asylyp qalǵan adamnyń kim ekeni belgili boldy
ASTANA. QazAqparat - Astanada QR Qorǵanys mınıstrliginiń ǵımaraty janynda asýly kúıde tabylǵan adamnyń kim ekeni belgili boldy. Bul týraly «QazAqparat» tilshisine bergen resmı jaýabynda Astana qalalyq Іshki ister departamenti habarlady.
«Jedel sharalardyń nátıjesinde er kisiniń kim ekeni anyqtaldy. Ol - Soltústik Qazaqstan oblysynyń turǵyny, 1978 jyly týǵan. Ózine-ózi qol jumsaǵan», - delingen habarlamada.
ІІD habarlaýynsha, atalmysh er adamnyń múrdesi 12 tamyzda 10:30 saǵatta Túrkistan-Dostyq kóshesiniń qıylysynda tabylǵan jáne onyń denesinde zorlyq-zombylyqtyń belgileri anyqtalmaǵan.
Bul fakt sotqa deıingi tergeý reestrine engizildi. Tıisti saraptamalyq jumystar taǵaıyndaldy.
