QR Qorǵanys mınıstrliginiń áskerı bólimderi qataryn 8 myńǵa jýyq sarbaz tolyqtyrdy

ASTANA. 30 mamyr. QazAqparat - Jaqynda Qazaqstan Respýblıkasy Qarýly Kúshterinde kóktemgi áskerge shaqyrýshylardyń áskerı ant qabyldaý saltanatty rásimi ótti, dep habarlanady QR Qorǵanys mınıstrliginiń resmı saıtynda.

QR Qarýly kúshteriniń Aeroutqyr áskerleri, Qurlyq áskerleri jáne Áýe qorǵanysy kúshteriniń áskerı bólimderinde áskerge shaqyrylýshylar saltanatty túrde Otanǵa adal bolýǵa, egemen memleketimizdiń Konstıtýtsııasy men zańdaryn qasterlep saqtaýǵa, áskerı jarǵylardy jáne komandırler men bastyqtardyń buıryqtaryn buljytpaı oryndaýǵa, áskerı qyzmettiń aýyrtpalyqtary men qıynshylyqtaryn tabandylyqpen kóterýge ant berdi.

Eske sala keteıik, bıyl 16 myńnan astam QR azamattary merzimdi ásker qataryna shaqyryldy.

QR QM áskerı bólimderi qataryn 8 myńǵa jýyq kóktemgi jańa  shaqyrylýshylar legi toltyrdy. Al qalǵandary QR Respýblıkalyq ulany, QR ІІM Іshki áskerleri, QR UQK Shekara qyzmeti, sonymen qatar QR Tótenshe jaǵdaılar mınıstrliginiń áskerı bólimderinde áskerı qyzmetterin atqarady.

«Barlyǵy 8 myńǵa jýyq bozbala áskerı ant qabyldady. Ant qabyldaǵannan keıin árbir Otan qorǵaýshy óziniń moınyna bıik mindetterdi alady. Sol mindetteriniń oryndalýy - áskerı qyzmettiń mánin quraıdy»,- delingen atalǵan málimetterde.