QR Qorǵanys mınıstrliginiń alqa otyrysy ótti
TANA. 25 tamyz. QazAqparat. Búgin Qorǵanys mınıstrliginde vedomstvo basshysy Ádilbek Jaqsybekovtiń tóraǵalyq etýimen Qazaqstan Respýblıkasy Qorǵanys mınıstrliginiń alqa otyrysy bolyp ótti.
Kún tártibine sáıkes Qarýly Kúshterdiń sapa kórsetkishterine baılanysty birqatar máseleler qaraldy. Qatysýshylar áskerı tártip pen quqyq qorǵaý jaǵdaıyn, sondaı-aq Qarýly Kúshter ınfraqurylymynyń qysqa ázirligin talqylady.
- Qorǵanys mınıstrligi qyzmetindegi uıymdastyrý máselelerine el basshylyǵy basa nazar aýdaryp keledi. Qarýly Kúshterdiń ómir tynysyndaǵy barlyq baǵyttar boıynsha uzaq merzimge strategııalyq sheshimder qabyldanýda, dep atap ótti óz sózinde Qorǵanys mınıstri Ádilbek Jaqsybekov. - Osyǵan baılanysty Áskerı doktrınaǵa sáıkes, sondaı-aq memleket Basshysynyń nusqaýymen ótkizilgen sharalar bizden, Qarýly Kúshterde keleshekte jaýyngerlik ázirlik deńgeıin kóterý úshin júıeli taldaý jasaýdy jáne tıimdi shara qabyldaýymyzdy talap etedi.
Kún tártibindegi - Qarýly Kúshter ınfraqurylymynyń qysqy kezeńge ázirligi týraly ekinshi másele de mańyzdy boldy.
Infraqurylymdy qys kezeńine ázirleý kezinde basty basymdylyq kommýnaldyq nysandar men ınjenerlik jelilerdi jóndeý, energotehnıkalyq jabdyqtardyń, materıaldardyń, otynnyń mol qoryn jasaý, qyzmet kórsetý qyzmetkerlerin ázirleý, eńbekke qajetti jaǵdaı týdyrý jáne tehnıkalyq qaýipsizdikti saqtaý sııaqty keshendi sharalardy júzege asyrý bolyp sanalady,
Alqa otyrysyna qatysýshylardyń jáne barsha áskerılerdiń belsendi is-qımyly ǵana qoıylǵan tapsyrmalardyń oryndalýynyń oń qorytyndysyn shyǵarýǵa jáne Qarýly Kúshterdiń jaýyngerlik qabiletin arttyrýǵa septigin tıgizerine senimdimin, - dedi Ádilbek Jaqsybekov.
