QR Qorǵanys mınıstrligine elektr qýaty qaıta berile bastady
ASTANA. QazAqparat - QR Qorǵanys mınıstrligine úzilip qalǵan elektr qýaty qaıta berilip jatyr, dep habarlady elorda ákimdigi Facebook-tegi paraqshasynda.
«Osy kezde qalanyń sol jaǵalaýyndaǵy keıbir nysandarǵa elektr qýatyn berý jumystary qalpyna keltirildi. Osydan shammen 1 saǵat buryn Ulttyq kitaphana men «Báıterek» monýmenti jáne «Izýmrýdnyı kvartal» bıznes ortalyǵyna jaryq berildi»,-delingen habarlamada.
Osy ýaqytta «Kerýen» saýda oıyn-saýyq ortalyǵyna elektr energııasyn berý jumystary júrgizilip jatyr. Bir saǵat kóleminde elektrmen qamtamasyz etýdi shekteý sharalary alynyp tastaıdy.
