QR Qorǵanys mınıstrliginde sybaılas jemqorlyqqa qarsy is-qımyl týraly zańnamanyń oryndalý máseleleri talqylandy

ASTANA. QazAqparat - QR Qorǵanys Mınıstrliginiń áskerı-tehnıkalyq mektepterine aqyly negizde oqýǵa túsý úshin azamattardyń ótinishterin qabyldaý «Azamattarǵa arnalǵan úkimet» memlekettik korporatsııasy arqyly kórsetiletin qyzmetter tizbesine engizildi. Bul týraly QR QK-de sybaılas jemqorlyqqa qarsy is-qımyl týraly zańnamanyń oryndalýyn baqylaý jónindegi Qorǵanys mınıstrligi komıssııasynyń selektorlyq otyrysynda QR QK Bas shtaby Uıymdastyrý-jumyldyrý jumystary departamentiniń bastyǵy general-maıor Múslim Daıyrov habarlady.

«Normatıvtik aktiler Qazaqstan Respýblıkasy Ádilet mınıstrliginiń memlekettik tirkeliminde tur. Odan basqa, Qorǵanys mınıstrligi kórsetetin memlekettik qyzmetterdi avtomattandyrý úshin qolda bar aqparattyq júıelerdiń ózara is-qımyly boıynsha ózge de memlekettik organdarmen birlesken buıryqtardy shyǵarý máselesi pysyqtalýda», - dedi general-maıor Múslim Daıyrov. 

Osylaısha, jergilikti áskerı basqarý organdarymen kórsetiletin 8 memlekettik qyzmetten 3-eýi «Azamattarǵa arnalǵan úkimet» arqyly avtomattandyrylǵan rejimde qoljetimdi bolady.

Bul - áskerı qyzmetti ótkerip júrgenin jáne azamattyń áskerı qyzmetke qatystylyǵyn rastaý týraly jeńildikterge ıe adamdarǵa anyqtamalar berý.

Eske sala keteıik, 2015 jyldyń qarashasynda qorǵanys vedomstvosynyń basshysy Imanǵalı Tasmaǵambetovtiń bastamasy boıynsha QR Qorǵanys mıınıstrliginde áleýetti qurylymdardyń basshylarymen sybaılas jemqorlyqqa qarsy is-qımyl máseleleri jónindegi memorandýmǵa qol qoıylǵan.

Qorǵanys mınıstrligi apparaty, Bas shtaby, QR QK túrler bas qolbasshylarymen qatar selektorlyq otyrysqa bas qolbasshylardyń orynbasarlary, óńirlik qolbasshylyq áskerleri, ásker tekteriniń qolbasshylary men olardyń orynbasarlary, Aqmola, Almaty, Semeı, Qaraǵandy, Taraz jáne Atyraý garnızondarynyń áskerı bólimderi men mekemeleriniń komandırleri qatysqanyn aıta keteıik. Odan basqa, jınalysqa Sybaılas jemqorlyqqa qarsy is-qımyl jónindegi Ulttyq bıýro tóraǵasynyń orynbasary Alık Shpekbaev, Ulttyq qaýipsizdik komıteti tóraǵasynyń orynbasary - Shekara qyzmetiniń dırektory polkovnık Darjan Dilmanov, Ulttyq ulan bas qolbasshysynyń orynbasary polkovnık Muhamedqalı Satov pen Bas áskerı prokýrorynyń aǵa kómekshisi Qumar Berdalın qatysty.