QR Qorǵanys mınıstrliginde áskerı sportshylarǵa qurmet kórsetildi
Jyl boıy halyqaralyq jarystarǵa qatysyp, baq synaǵan áskerı sportshylarǵa merziminen buryn áskerı ataqtar, nagradalar, syılyqaqylar men alǵys hattar tabystaldy.
«Qazaqstannyń áskerı sporty jyldan jylǵa belsendi túrde jetistikterin arttyrýda. Bizdiń áskerı qyzmetshiler tuǵyrdan túspeı, rekordtar jańartyp keledi. Barlyq sáttilikterdiń Qarýly kúshterimizben baılanysty bolǵanyn qalar edim. Halyqaralyq jarystarda el namysyn qorǵap júrsizder. Sonymen qatar osy halyqaralyq jarystarda da bári Sizderdiń Qarýly kúshterdiń tárbıelenýshileri ekenderińizdi bilýge tıis», - dedi QR Qorǵanys mınıstri Nurlan Ermekbaev sportshylarǵa arnaǵan sózinde. Sonymen qatar, mınıstr olarǵa sarqylmas qýat pen jańa jeńister tiledi.
Sportshylar arasynda alǵyspen atap ótkenderdiń biri – QR QK qyzmetkeri Jandos Madehııanov boldy. Ol 2019 jylǵy jastar arasynda ótken qoıan-qoltyq kúresten álem chempıony atandy.
«Bala kúnimnen sport pen áskerı ortaǵa degen qyzyǵýshylyǵym boldy. Biz túrli jarystarǵa qatystyq. Osy jylǵy eńbegimniń baǵalanǵanyna qýanyshtymyn. Meniń jetistikterim marapatqa ıe bolyp, joǵary baǵalandy», - dep sportshy atap ótti.
Budan ózge, halyqaralyq sanattaǵy qazy maıor Amanjol Rahmetovqa merziminen buryn «podpolkovnık» áskerı ataǵy berildi. Halyqaralyq sanattaǵy qazy mártebesin alǵan maıor Erkebulan Túsiphanov «Halyqaralyq yntymaqtastyqqa úlesi qosqany úshin» medalimen marapattaldy.
Olımpıada chempıony, Qytaıda ótken Búkilálemdik áskerı oıyndarynyń jeńimpazy, jeńil atletshi maıor Olga Rypakovaǵa, halyqaralyq sanattaǵy sport sheberi, QR bes dúrkin chempıony, boksshy Temirtas Júsipovke jáne Azııa júldegeri, Búkilálemdik boks (WSB) serııasy boıynsha eki márte chempıon atanǵan Aslanbek Shynbergenovke, taekvondodan Azııa chempıonaty men Azııa oıyndarynyń kúmis júldegeri kishi serjant Rýslan Japarovqa syıaqy berildi.
Sonymen qatar, V Halyqaralyq qoıan-qoltyq kúresiniń týrnıri men QR Tuńǵysh Prezıdenti kýbogyna ótken armııanyń qoıan-qoltyq kúresiniń jeńimpazy qatardaǵy jaýynger Sora Rahmonova alǵys hat aldy. AOSK-nyń jattyqtyrýshysy kapıtan Oljas Aqbaevqa gramota berildi.
Aıta keterligi, 2019 jyldyń basynan bastap QR Qorǵanys mınıstrliginiń Armııa ortalyq sport klýby – Sport komıtetiniń shtattyq komandalarynan 100-den astam áskerı qyzmetshi men azamattyq personal respýblıkalyq jáne halyqaralyq deńgeıdegi 110 sporttyq is-sharaǵa qatysyp, ár túrli dárejedegi 250-den astam medal jeńip aldy. 2019 jyly áskerı sporttaǵy mańyzdy oqıǵa Qytaıda ótken VII Búkilálemdik áskerı oıyndar boldy. Qazaqstannyń qurama komandasy 109 qatysýshy el jáne 9 myń áskerı qyzmetshi arasynan 12-shi oryndy ıelendi. El qorjynynda – 4 altyn, 3 kúmis jáne 5 qola medal bar.
