QR Qorǵanys mınıstrligi jyl qorytyndysyn shyǵardy

NUR-SULTAN. QazAqparat – Qorǵanys mınıstriniń orynbasary general-maıor Tımýr Dándibaev QR Prezıdenti janyndaǵy Ortalyq kommýnıkatsııalar qyzmetiniń baspasóz máslıhatynda 2019 jylǵy Qazaqstan áskeri qyzmetiniń qorytyndysy týraly aıtty, dep habarlaıdy QazAqparat tilshisi.

«2019 jyly 109 komandalyq-shtabtyq oqý-jattyǵý, 50 000 jaýyngerlik daıyndyq sharasy, ıaǵnı 3700 jaýyngerlik atys jáne taktıkalyq oqý, sonyń ishinde 1500 shara túnde ótkizildi. 60 myńnan astam áskerı oqý negizderi boıynsha – mergen, granata laqtyrýshy, nysanashy, júrgizýshi jáne basqa da mamandar daıarlandy», - dedi Tımýr Dándibaev baspasóz máslıhatynda.

Onyń aıtýynsha, áskerı qyzmetshilerdiń jaýyngerlik daıyndyq deńgeıi Halyqaralyq armııa oıyndary qorytyndysynda dáleldendi.

«Qazaqstan Qarýly Kúshteri komandasy jalpykomandalyq esepte alǵashqy úshtikke kirip, úsh konkýrsta jeńimpaz atandy», - dep atap ótti qorǵanys mınıstriniń orynbasary.

Avtory: Áıgerim Ańsaǵanova