QR Qorǵanys mınıstrligi JOO-lar janyndaǵy áskerı kafedrlarǵa túsetin stýdentterdi psıhologııalyq testileýden ótkizýdi kózdeýde
ASTANA. 17 aqpan. QazAqparat - QR Qorǵanys mınıstrligi joǵary oqý oryndary janyndaǵy áskerı kafedralarǵa túsetin stýdentterdi psıhologııalyq testileýden ótkizýdi josparlap otyr.
Bul týraly búgin Astanadaǵy ǵylymı-tájirıbelik konferentsııa barysynda atalǵan vedomstvonyń Áskerı bilim jáne ǵylym departamenti «Halyqaralyq qatynastar» basqarmasynyń bólim bastyǵy Sansyzbaı Baǵazın málim etti.
«Stýdentterdi irikteý erejesindegi kemshilik -ol búginde áskerı kafedrada oqý úshin psıhologııalyq testiniń ótkizilmeýine baılanysty. Atap aıtqanda, merzimdi qyzmettegi sarbazdardyń ózi áskerge shaqyrylǵanda atalǵan psıhologııalyq testiden ótedi. Sonymen qatar, kadet korpýsyndaǵy serjant oqýyna jáne «Jas Ulanǵa» túsken kezde de kandıdattar atalǵan testileýmen qamtylady. Al áskerı kafedralardaǵy bolashaq zapastaǵy ofıtserler psıhologııalyq testiden ótpeıdi»,-dep toqtaldy S. Baıǵazın.
Onyń paıymdaýynsha, endi atalǵan synaq áskerı kafedralarǵa irikteý kezindegi jańa erejelerge engizilýi múmkin.Bul qujat qazirgi kezde ázirlený ústinde.
Aıta keteıik, búginde Qazaqstandaǵy joǵary oqý oryndary janyndaǵy 24 áskerı kafedralarda 10 myńnan astam stýdent tálim alýda.
