QR Qorǵanys mınıstrligi SK-TsSKA Áskerı sport kolledjinde túlekterdiń bitirý saltanaty ótti
ASTANA. Mamyrdyń 26-y. QazAqparat - QR Qorǵanys mınıstrligi Sport komıteti- Ortalyq áskerı sport klýbynyń Áskerı sport kolledjinde búgin túlekterdiń kezekti bitirýi boldy, dep habarlaıdy QR Bilim jáne ǵylym mınıstrliginiń baspasóz qyzmeti.
Kolledj 1996 jyly Almaty olımpıada rezervi ýchılışesi negizinde qurylǵan bolatyn. Osy ýaqyt aralyǵynda «sport boıynsha jattyqtyrýshy-oqytýshy» mamandyǵy boıynsha 520 maman arnaıy orta bilim aldy, halyqaralyq dárejedegi 70 sport sheberleri jáne 320 Qazaqstannyń sport sheberleri daıyndalyp shyqty. Ár jyldarǵy Olımpıada oıyndarynda kolledjdiń 54 sportshysy el namysyn qorǵaǵan.
TsSKA sport komıtetiniń áskerı sport kolledji jas urpaqty patrıotızm rýhynda tárbıeleýde maqsatty jumystar júrgizedi. Maıor, kolledj bastyǵy Elena Verveıkına basqarǵan oqytýshylar men jattyqtyrýshylar quramy eldiń barlyq aımaqtarynan kelgen jastarǵa óz bilimderi men tájirıbelerin úıretýde. Stýdentter sportty tek qana teorııa júzinde emes, ártúrli deńgeıdegi jarystarǵa qatysa otyryp, tájirıbe júzinde úırenedi.
Kolledj stýdentteri 2004 jyly QR QM SK-TsSKA daıyndaǵan kelisimshartqa qol qoıady, kelisimshart boıynsha olar jarystarǵa tek TsSKA atynan ǵana qatysady, jáne bul ádiletti de, sebebi tárbıelenýshiler tolyǵymen QR Qorǵanys mınıstrliginiń qamqorlyǵyna alynady.
