QR Qorǵanys mınıstrligi men Qyzyl krest komıteti alǵash ret shtabtyq kelissóz ótkizdi
Taraptar aǵymdaǵy is-áreketke qatysty suraqtardy talqylap, yntymaqtastyqtyń basym baǵyttaryn qarady.
Qazaqstan qorǵanys vedomstvosynyń jáne halyqaralyq uıymnyń yntymaqtastyǵy ózara túsinistik týraly Memorandýmǵa negizdelgen, oǵan sáıkes ózara is-qımyldyń baǵyttary men nysandarynyń sheńberi aıqyndalǵan.
Atap aıtqanda, qujat qarýly qaqtyǵys jáne qarýly sıpattaǵy basqa da jaǵdaılarda Qarýly kúshterdiń halyqaralyq áleýmettik quqyq normalaryn saqtaýyn qamtamasyz etýge, Qyzyl Krest komıteti mamandarynyń birlesken is-sharalaryn, oqý kýrstary men trenıngterin ótkizýge járdemdesýdi qamtıdy. Memorandým, sondaı-aq, Qazaqstan Qarýly Kúshteriniń áskerı qyzmetshilerin daıarlaý jáne oqytý baǵdarlamalaryn ázirleýge járdemdesýdi jáne halyqaralyq uıymnyń qajetti oqý materıaldaryn usynýyn kózdeıdi.
Memorandýmnan basqa jyl saıynǵy yntymaqtastyq jospar bar. Qazirgi ýaqytta Qorǵanys mınıstrligimen úsh jyldyq yntymaqtastyq josparynyń múmkindigin qarastyrýdy usyndy. Qazaqstan qorǵanys vedomstvosy basshylyǵynyń pikirinshe, bul yntymaqtastyqtyń neǵurlym sapaly bolýyna uzaq merzimdi mindetter qoıýǵa jáne olardyń barlyq kezeńderde iske asyrylý barysyn túzetýge múmkindik beredi.
Bul rette ózara is-qımylda qazaqstandyq áskerı qyzmetshilerdi halyqaralyq áleýmettik quqyq normalaryna oqytýǵa, onyń ishinde bitimgershilik operatsııalaryn júrgizý kezinde halyqty qorǵaýǵa basa nazar aýdarylady. Basqa qyry QR QK medıtsına qyzmetkerlerine jáne basqa jeke quramǵa alǵashqy medıtsınalyq kómek kórsetýdi úıretý bolyp tabylady.
Qyzyl Krest Halyqaralyq komıteti kelissózder barysynda Afrıka elderindegi aǵymdaǵy áleýmettik jaǵdaıdy usyndy. Bul Qazaqstannyń bitimgershilik bólimsheleriniń BUU mıssııalaryna qatysýyn ártaraptandyrýdy (ártúrlilikti) qoldaý sheńberinde mańyzdy bolyp tabylady.
Shtabtyq kelissózderden basqa búgin, Qyzyl Krest Komıtetiniń ókilderimen bitimgershilik operatsııalarynda kúsh qoldaný erejeleri boıynsha dárister ótkizilip, sondaı-aq Ulttyq qorǵanys ýnıversıtetiniń bazasynda «Soǵystaǵy ustamdylyq bastaýlary» atty álemdik tanymal baıandama tanystyrylady.
