QR Qorǵanys mınıstrligi generaldarynyń qyz-kelinshekterdi quttyqtaýy kórermendi tańǵaldyrdy (FOTO)
Qazaqstan Qarýly Kúshteriniń áskerı qyz-kelinshekteri úshin generaldar, QR Qorǵanys mınıstriniń orynbasarlary keremet kontsert uıymdastyrdy.
QR Qorǵanys mınıstrliginiń joǵary basshylyq quramy halyqaralyq 8 naýryz áıelder kúnimen áıel áskerı qyzmetshilerdi quttyqtaýǵa aıryqsha kóńil bóldi.
«21 ǵasyrda áıel áskerı qyzmetshi nemese sarbaz áıel degen kásiptiń bolýy eshkimdi tańǵaldyrmaıdy. Elbasy - Joǵary Bas Qolbasshynyń sózimen aıtsaq, «búginde er-azamattar sııaqty áıelder de pogon taǵýǵa teń quqyly». Olardyń barlyǵy joǵary bilimdi, shyǵarmashylyq jáne qoǵamdyq ómir saltyn belsendi ustanatyn qalyptasqan tulǵalar», - dep QR Qorǵanys mınıstri Imanǵalı Tasmaǵambetov áskerı qyz-kelinshekterge jyly lebizin bildirdi.
Merekelik kontsert áıel áskerı qyzmetshilerdi shattyqqa bólep, kóńilin bir kóterip tastady.
Birde-bir kórermen bul merekede nazardan tys qalmady. Olarǵa gúl shoqtary tartý etilip, aıaýly arýlarǵa arnap arnaıy shyǵarylǵan án oryndaldy, al jasulandyqtar qyz-kelinshekterdi bıge shaqyrdy.
Alaıda, búgingi kontserttiń eń basty tosynsyıy QR Qorǵanys mınıstri orynbasarlarynyń kórsetken erekshe ónerleri boldy. General-leıtenant Oqas Saparov pen Nurlan Saýranbaevtyń oryndaýyndaǵy lırıkalyq ánder, general-maıor Talǵat Muhtarovtyń aıryqsha beınege enýi jáne «Sonymen bizge keregi toǵyz júz gúl, al bir gúl - alty júz» degen án joldarymen Berik Sholpanqulovtyń bıýdjetti mýzykalyq esepteýi barlyq zaldy tánti etti.
