QR Qorǵanys mınıstrligi Astana áýejaıyndaǵy oqıǵaǵa qatysty málimdeme jasady (FOTO)

ASTANA. QazAqparat - QR Qorǵanys mınıstrligi 2016 jyly 16 maýsymda Astana áýejaıynda oryn alǵan oqıǵaǵa qatysty resmı málimdeme jasady.

Aldyn ala boljam boıynsha, oqıǵa jolaqta bolǵan bógde zat saldarynan oryn aldy. Ushaq shtatty rejımde qondy. Qonǵannan keıin ushaq 1 700 metr dońǵalaqpen júrip ótti.  Sodan keıin sol jaqtaǵy shassıdegi tórt pnevmatıkalyq dońǵalaqtyń ekeýi  jaryldy.

Dońǵalaqtar jańa bolatyn. Ony ıAroslav dońǵalaq zaýyty jasaǵan.

Áýejaıda qurylys jumystary júrip jatyr. Jolaqta bógde zattyń bolýyna osy jaıt ta áser etýi múmkin. Atalǵan fakt boıynsha tergeý amaldary júrgizilip jatyr.

Eske sala keteıik, keshe Astana áýejaıyna qoný kezinde áskerı ushaq shassıiniń eki dóńgelegi jaryldy.