QR Qorǵanys mınıstrligi áskerı qyzmetkerlerdiń áleýmettik jaǵdaıyn jaqsartý úshin 2010 jyly da turǵyn úı qurylysynyń qarqynyn arttyrady
ASTANA. Jeltoqsannyń 11-i. QazAqparat /Ernur Aqanbaı/ - QR Qorǵanys mınıstrligi áskerı qyzmetshilerdiń áleýmettik jaǵdaıyn jaqsartý úshin 2010 jyly da turǵyn úı qurylysynyń jáne baspanalardy kúrdeli jóndeý jumystarynyń qarqynyn artyratyn bolady,
dep habarlaıdy QazAqparat.
QR Qorǵanys mınıstrligi baspasóz qyzmetiniń málimetinshe, 2010 jyly Astanada áskerı qyzmetshiler úshin shaǵyn otbasylyq úlgidegi úsh jataqhana, Aqtaýda, Semeıde, Jańa Ahmırovo (Shyǵys Qazaqstan oblysy) qalalarynda eki jataqhanadan paıdalanýǵa beriletin bolady. Sonymen qatar Almaty, Arys, Aqtóbe, Qaraǵandy gornızondarynyń áskerı qyzmetkerleri de baspanamen qamtamasyz etiledi. «Qazir mınıstrlik ozyq elderdiń tájirıbesi boıynsha áskerı qalashyqtardy tıpteý boıynsha keshendi sharalarǵa daıyndyqty júzege asyryp jatyr. Ol úshin bolashaqta áskerı qalashyqtardyń barlyǵyn áleýmetik-mádenı nysandarmen jabdyqtalǵan bazalarǵa aınaldyrý maqsat etilip otyr. Onda áskerı qyzmetkerler úshin barlyq jaǵdaı jasalatyn bolady», delingen baspasóz qyzmetiniń málimetinde.
