QR Qorǵanys mınıstriniń Kýbogi úshin dzıýdodan ekinshi ashyq týrnır márege jetti
Ashyq týrnır Áskerı-sport klýbtary federatsııasymen birlesip uıymdastyryldy.
Jarysqa Qazaqstan Respýblıkasynyń 4 oblysynan, QR Qarýly Kúshteriniń qurama komandasy, AOSK dzıýdoshylary, Qyrǵyzstan, Reseı, Tájikstan jáne Ózbekstan Respýblıkalarynyń komandalary qatysty.
QR QM baspasóz qyzmetiniń málimetinshe, jarys qorytyndysy boıynsha Armııa Ortalyq sport klýbynyń erler men áıelder komandalary alty altyn, eki kúmis, bes qola medaldi qorjynǵa saldy. Alǵan medaldardyń sany boıynsha armııashyl balýandar jeńis tuǵyrynyń birinshi satysyna kóterildi.
Ásirese, AOSK-niń kelisimshart qyzmeti boıynsha kishi serjanty Talǵat Ámirenov 90 keli salmaq dárejesi boıynsha, al AOSK-niń merzimdi qyzmettegi qatardaǵy jaýyngeri Іlııas Izmagılov 66 keli ortasha salmaq dárejesinde altynnan alqa taǵyndy.
Komandalar men komandalar arasyndaǵy saıys boıynsha oryndar bylaısha belgilendi: áıelder arasynda birinshi eki oryn AOSK-ǵa, úshinshi oryn Shyǵys Qazaqstan oblysyna buıyrdy. Al erler komandalary arasyndaǵy kúsh synasýda Shyǵys Qazaqstan oblysy - birinshi, AOSK - ekinshi, Almaty oblysy úshinshi oryndy mise tutty.