QR Qorǵanys mınıstriniń birinshi orynbasary taǵaıyndaldy
ASTANA. QazAqparat - Memleket basshysynyń Ókimimen Murat Jáleluly Maıkeev Qazaqstan Respýblıkasy Qorǵanys mınıstriniń birinshi orynbasary - Qazaqstan Respýblıkasy Qarýly Kúshteri Bas shtabynyń bastyǵy qyzmetine taǵaıyndaldy.
Aqordanyń baspasóz qyzmetinen málim etkendeı, ol Qazaqstan Respýblıkasynyń Qarýly Kúshteri Qurlyq áskerleriniń bas qolbasshysy qyzmetinen bosatyldy.
1959 jylǵy 9 qarashada Aqtóbe qalasynda týǵan.
1980 jyly Almaty joǵary jalpy áskerı komandalyq ýchılışesin bitirgen, al 1994 jyly M.V.Frýnze atyndaǵy Áskerı akademııany támamdady.
Áskerı qyzmetin motoatqyshtar polkinde motoatqyshtar vzvody komandırliginen bastady. 1983-1987 j. - motoatqyshtar rotasynyń komandıri. 1987-1991 j. Shtab bastyǵy - komandırdiń orynbasary, motoatqyshtar batalonynyń komandıri. 1994-1998 j. Batalon komandıri laýazymynan brıgada komandıriniń orynbasary, QR Respýblıkalyq Ulannyń polk komandırine deıin ósti. 1998-2002 j. - komandırdiń orynbasary, motoatqyshtar dıvızııasynyń komandıri. 2002-2003 j. - QR QM Tárbıe jáne áleýmettik-quqyqtyq jumystar departamentiniń bastyǵy. 2003-2009 j. - QR QK Aeroutqyr áskerleriniń qolbasshysy. 2009-2010 j. - QR QM Shtabtar bastyqtary komıteti tóraǵasynyń orynbasary. 2010 jyldan búgingi kúnge deıin QR QK Qurlyq áskerleriniń Bas qolbasshysy boldy.
3 dárejeli «Otanǵa qyzmeti úshin», 2 dárejeli «Aıbyn» ordenderimen jáne medaldarmen marapattalǵan.
